Versets bíblics populars de Mbete Rɔmri 3

Comparteix

ɓayu ké nzukri gbam kew oh, mí ku mah riŋ ɗina Ŋgerzah mba. Mí law Ŋgerzah rih ni, ke ndar ndɔk ye, mí ke mgba in ziŋ nzukri ké Mbay Zezu sel niri ɓil mgbal, ke ti̧h ɓa záh woyri.

Sal in Ŋgerzah ra ŋga̧h ɓay Ŋgermbay Zezu ké ŋga̧h sal in ɓa law mbew ziŋ Ŋgerzah, mí na ɓay tul nzuk a suŋ suŋ ké kan law sa tul Zezu. Ŋgerzah kehr sa̧wnzukri ya, ziɓri ké ƴo ke mbete bolkusol ye ke sa̧wnzuk a ɓoruri, ke kehr niri ya

A ye Mbay Zezu ra, Ŋgerzah mbi ni sɔk keni in ye ké-e mgba ziŋ nzukri. Ŋgerzah ya̧ sem ye ké fer ku̧ gel kani ɓa fe puhna ké sel nzuk pirmatulri ɓay wahɓay ké-e ƴo tulu. Sew a polri-aw, ke kuŋ salɓay tul suya nzukri ya ɓáy. Ke ƴo ik law ye geŋ sew a guri ɓay ten ketina ye ɓa teh-u, sɔk keni ƴó tul ketina ye pi, ŋgá̧h sal in ye ziŋ nzukri ɓa záh woyri pi, a woyri ké sal in ké Zezu ŋga̧h ziŋ Ŋgerzah mgba tul woyri.

Kaŋ mí fe laɓna bolkusol ké mah hi̧ sa̧w nzuk a som siɓa a hani mbew ƴo ke Ŋgerzah ɓa záh ye ta-a . Ɓayu ké bolkusol ra, ƴo sɔk nzuk suya ye.

Mí-aw ba, a wah ziɓri, nah mba tul sa̧wnzuk a ɓoruri mba le wo ? Kaŋ ya. Mi ten ɓay ké mgba tul nzuk pirmatulri pol da. A wah ke sa̧wnzuk a ɓoruri mbɔk, suya mgba na ɓa mgbal kandɔk kú-u vbeh lewsa̧ ɓahri, Nzuk ké ƴo tul wahɓay Ŋgerzah ta-a, nzuk mbew kara ta-a. Nzuk ké ker ɓay a kpakpaŋu ta-a, nzuk ké ƴah Ŋgerzah ta-a. Gbam, ku ɓa kɔk nzukri, ku el ti̧h suk ya, ku mah haniri bin. Nzuk-laɓ suki ta-a, nzuk mbew kara ta-a .

Nah tu wuri te-teh, nzuk pirmatul ƴo ke Ŋgerzah ɓa záh ye ɓay law ye ké te sa tul Ŋgerzah, ta ɓa ɓay fe laɓna bolkusol ya.

Ya ! Ke ta sel ya. Nzuk pirmatulri gbam ɓa nzuk-kuŋ ɓay mí ketina ye ɓay ti̧h-u kandɔk kú-u vbeh lewsa̧ ɓahri : Sal in wo ten tehɓay wo ɓahri, ndɔk wo ɗɔr sal in ya. Ketina wo ɓay ndih nzuk kuŋɓayri ké gel-kuŋ salɓay .