Versets bíblics populars de Mbete Luk 6

Comparteix

Kandɔkaw, suki ké i laɓ hi̧ nzukri, suki-u ɓay el ziŋ wuri pi. Sam ŋgoro fe ké i mbi leh keni fe hi̧ nzukri ra, ŋgoro-u ɓay el tikri fe laɓna-u yik yik mí mbah zɔk gbɔh gbɔh ku̧ tul woiri pi. »

Nzuk lawsuki ƴo hi̧ suki ké-e mbek ku̧ ɓil law ye ƴo ti̧h kala. Nzuk law a pipiri-u ba, ƴo hi̧ fe a pipiri-u ké-e mbek ku̧ ɓil law ye ƴo ti̧h kala. Fe mbekna ké nzuku mbek ku̧ ɓil law ye ƴo ur dukuku mí ti̧h ke nzak ye.

Kaŋ dale í sa nzukbaa woiri, í laɓ niri suki. Nzuk ta wuri lari le, í lu kerɓay ya̧ mbɔlu. Kpaŋndɔk a ŋgeru ƴo geŋ wuri. I ɓay na ɓa gun Ŋgerzah ké deɓ ye ta-a ɓay fe le, a ye ke ƴo laɓ suki hi̧ nzukri ké tu suki ya pi, nzuk law a pipiri-uri pi.

Í laɓ law in ziŋ nzukri kandɔk Bah woiri Ŋgerzah ké ɓa nzuk-laɓ law in ziŋ nzukri.

Í kehr nzukri ɓa nzuk a sukiri, ɓa nzuk a suya-uri ya rɔkɔ kehrna-u ké i kehr nzukri ɓá el mbu̧h wuri ɓa nzuk a suya-uri. Í laɓ ɓay kan tul nzuk ya, le salɓay suya ta mgba tul woiri ya. Í sel nzuk ké laɓ wuri suya, le salɓay suya ɓay lu ké tul woiri pi.

A woiri nzukri ké i ƴo ke suk ké lah ɓay bi, mi ƴo ɓah ɓayay hi̧ wuri : í sa nzukbaa woiri. Í laɓ suki hi̧ nzukri ké fu̧y wuri. Í lu mgbɔkɔ ku̧ tul nzukri ké mgba nazi ku̧ tul woiri. Í goŋ Ŋgerzah ɓá laɓ suki hi̧ nzukri ké mgba wuri ɓu law woyri.

Kandɔkaw mí lawsuki ké i yih ɓay hi̧ nzuk a ɓoruri ɓá laɓ ziŋ wuri ra, í laɓ lawsuki-u ziŋ niri.

Nzuk vba̧ gam wo le, mú sɔɓ fál a ɓoru hi̧ ni, ké vba̧ pi. Nzuk nah mah gar wo le, mú gboh ni nah gar a ɓilu ya pi. Nzuk a suŋ suŋ goŋ mu fe le, mú hi̧ ni. Ke nah fe wo le, mú sor nzuku ya.

Ɓayu ké kpuh a suki leh lehna a suya-u ya, kpuh a suya-u kara leh lehna a suki ya pi.

Kandɔkaw mí i tu kpuh a suŋ suŋ ɓay lehna ye lehna ye. Nzuk ta hal nzu̧y ké tul kpuh ŋgatukru ya, nzuk hal lehna vo̧ko ké tul ŋgatukru gun gay ya.