Versets bíblics populars de Mbete Luk 3

Comparteix

Sewu ké Za̧h ƴo hi̧ nzukri ti̧h ɓil batem a mbih, Zezu ti̧h ɓil batemu pi. Ti̧hna ye, ke goŋ Ŋgerzah, mí nunmbam mgbur, Tempuki ɗer gi kaɓ tul ye ke mun ké eŋ mbɔre, mí kusol ti̧h ke nunmbam ɓahri : « A wo mú-u ɓa gun sana bi. Law bi na sa tul wo. »

Mí Za̧h yih vbiɓay woyri kandɔkay : « A bi le, mi hi̧ wuri ti̧h ɓil batem a mbih, mí nzuk a luki ƴo gina. Ŋgerna ye mba tul bi mba-mba. Ɗíŋ tul ɓay sel sal sabɔk ye kara mi mah ya. A ye mí ke ɓay hi̧ wuri ti̧h ɓil batem a Tempuki ké ɓa batem a hɔrɔ.

Í hi̧ mi̧hri mbilaw woiri ké i ruh ɓá ti̧h, ɓá leh lehna siŋ sina a suki ké mah ke kanlaw tul Ŋgerzah. Í yȩkre kerɓay yá̧ mun woiri ke riŋ ziih Abaraham. Mi ƴo ɓah hi̧ wuri ɓahri se, Ŋgerzah ƴo ke ŋgerna-sɔɓ kasawri-aw ti̧h ɓa gun zih Abaraham.

Tena ƴo ɗih ya ké sa̧w kpuh ɓay te-u wara. Kpuh a suŋ suŋ gbam ké leh lehna a suki ya dale, ke ɓay te ku̧ ɓil hɔrɔ. »

Za̧h ka-kah ɓay kandɔk mbete vbehna Ezay gun nzak pihna Ŋgerzah a lewsa̧ ɓah ɓayu ɓahri : Kusol nzuk mgbe ɓil lawkɔr ɓahri, í lek wuri mahful geŋ Miƴori. Í lek wuri fulu ɓá ndar kparak kparak. Goɗori ɓá mbar mah hani gba̧y gba̧y. Kasawri ke kpar-ri ɓá dir ku̧ fi̧hriri. Ful a ra̧h-u ɓá ndar kparak kparak. Gel ké na goɗoŋ goɗoŋ ɓá na ru̧y ru̧y. Nzuk a suŋ suŋ gbam ɓay ko sa̧w-ya̧ ni ké Ŋgerzah hi̧ ɓay ké ti̧h ke ndɔk hul .