Versets bíblics populars de Mbete Zak 1

Comparteix

Yi̧n biri, í el ke tumbɔl ɓay fe-leh lawri ɓoɗ ɓoɗ ké ziŋ wuri. I tu wuri ɓahri se, fe-leh law woiri ƴo vbo kanlaw woiri kandɔk lari mí lu vbi̧ri-u ma fal el poŋ munu. Pihna fe-leh law hi̧ i ɓer gi̧w tul ketina ɓay Ŋgermbay.

Gelke ru̧na poh nzuk mbew ké sakra woiri dale, ké vbi ru̧na-u ké ta̧w Ŋgerzah ké ƴo hi̧ nzukri gbam par par ke law mbew dan zɔmna le, ke ɓay hi̧ nzuku ru̧na.

Í ker si tul ɓayay, yi̧n biri, gun sanari : A ge ge le ɓá lah ɓay a ketina hi̧ ɓayu guh law ye ɓa gah-u, ké mbi ɓay ɓa gah-u ya, law ye ɓá zaŋ ɓa gah-u ya

Dale í hi̧ ɓer gi̧w ra ɓá hi̧ law woiri ndu̧y hi̧ í ŋger ɓa nzuk pirmatul, í na ɓa gun Ŋgerzah a ketina. Fe laɓna suki mbew ta poh wuri ya.

Dale í mgba ɓayu, í ƴo tulu. I lah ɓay Ŋgerzah dan mgba ɓayu le, i rɔk mun woiri kaŋto ɓay fe le

Pol tehna Ŋgerzah teh tul nzuk a a̧y ké ɓer gi̧w tul ketina ɓay Ŋgermbay ké ɓil fe-leh lawri mí ti̧h ke ɓilu ɓa suki ɓay fe le, ɔkna ké-e ziŋu ɓay na ɓa gay mbay ké Gaŋ wah lek geŋ nzukri ké sa ni.

fe hi̧na a suki ke fe puhna a kpakpaŋu gbam ɗer ke nunmbam ké ta̧w baah Ŋgerzah nzuk sa̧w gel tehna. A ye ke sɔɓ kandɔk siŋ sina fe-teh gelri ké nunmbam ya, ke sɔɓ kandɔk tem ké sɔɓ ke gelri ɓoɗ ɓoɗ ya.

nzuk ké lah ɓay kaŋto, mí ke ƴo tulu ya le, ke na kandɔk nzuk ké ko tem ye ké ɓil fe-ko tem. Ke ko tem ye, ke tɔr dale, ke yȩkre tem ye ké-e ko ra keɗ. Kaŋ mí ɓa nzuk ké lah ɓay Ŋgerzah mí yȩkre.

Mí pihna misoŋ ké ɓa teh-u ké ndɔh mah nun baah Ŋgerzah mí na-ay : mgbá sa̧w gun sehleri ke wu̧y sehri ɓil koseh woyri pi, kɔ́r mun ɓay fe laɓna tukalari ké sih law nzuk pi.

Mí nzuk ké ƴo ɓil fe-leh law le, ko-ko ké ɓahri se : « Ŋgerzah mí pih fe-leh law bi-ay. » Ɗaka-laɓ suya ta ɓil law Ŋgerzah ya dara mí Ŋgerzah ta ndoh law nzuk ke ɓay hi̧ nzuku rih ɓil suya ya pi. A ge ge le fe-leh law ye ur ke ɗaka fe ké na ɓil law ye mí ƴo rah ni, ƴo mgba ni.

Yi̧n ɓil Ŋgermbay a a̧y ké ɓa ko̧hko ɓá zay mun ɓay riŋ ɗina ye ké mgbe ké nunmbam.