Versets bíblics populars de Mbete 1 Piyer 1

Comparteix

Nah el ke tumbɔl hi̧ Ŋgerzah ɓay mgbɔkɔ ye, a ye ké-e ɓa bah Ŋgermbay Zezu Gaŋ wah. Tumbɔl law in a luki ké-e mgba ziŋ na, ke mbuŋ na gi rih ɓil ɔkna. Mbuŋna wah a foyu ra kal ke ful ti̧hna Ŋgermbay Zezu ke puh záh ke pa̧ymun a foyu. Ɔkna ra ɓa fe baah ké nah ƴo geŋu. Fe Baah-aw ra ta sih ya, ta ko gay ya, seh kara ta mbi ŋgerna-u ya pi. Baah ƴo kɔr geŋ wuri ké nunmbam.

Law woiri rih wuri rih ɓay tulu. Mí aŋay ba, sam fe-leh lawri ɓoɗ ɓoɗ ké se law ɗɔk ɗɔk ƴo ziŋ wuri. Fe-leh lawri-aw ɓay hi̧ ketina law woiri ké i te sa tul Ŋgermbay ra ɓá ndu̧y. Ndu̧yna-aw mba ndu̧yna lari lɔr kú-u vbo ke hɔrɔ ɓay lu vbi̧ri-u poŋ munu. Lari lɔr ɓa fe a kpakpaŋu mí ɓay zi-u. Law woiri ké i te sa tul Ŋgermbay ba, ŋger mba lari lɔr mba-mba, mí su ɓay hi̧ fe-leh law ɓá ziŋ wuri dara pirna, dimna, riŋ ɗina ɓay mgbe-u ke seh ké Ŋgermbay Zezu ɓay ten mun ké nun nzukri.

Baah Ŋgerzah nzuk lawpuki tu riŋ hi̧ wuri ɓa gun yeri. A woiri kara í si siŋ sina nzuk lawpukiri. Ɓay fe le mbete Ŋgerzah ɓahri : Í na ɓa gun lawpuki kandɔk ké mi ɓa nzuk lawpuki .

Lewsa̧ kerɓay woiri ra̧-ra̧h, i ƴo dih fal fe laɓna ɗaka fe tukalari, mí aŋay i ɓa gun Ŋgerzahri ɓay lah nzak ye, í dih fal ɗaka fe-uri mba.

Kandɔk ké ɓayu guh law woiri da, ké i mgba tul woiri da, í ɓaŋ law woiri te sa tul lawsuki a a̧y ké ten mun ke gina Ŋgermbay Zezu.

Sa̧wu mí ku vbeh lewsa̧ ɓahri se : Nzuk pirmatulri gbam na kandɔk gay fe. Ndɔhna woyri na kandɔk funa fe. Gay fe ri̧h sɔrɔrɔ, Funa fe ba, rol. Mí ɓay Gaŋ tul feri riw na ɓa ŋgɔh . Ɓay ké mbuŋ wuri ra ɓa ɓaysuki ké i lah.