Versets bíblics populars de Gun mbete 1 Za̧h 4

Comparteix

Hȩkme ta mbu̧h hani ke law sana ya. Wara le law sana ké mah ke law sana Ŋgerzah ƴo ni̧h hȩkme ma fal ɓay fe le, hȩkme ɓa fe ké laɓ nzuk se-se ɓay tul fe ké to tul ye. Hȩkme laɓ nzuk le, nzuku hu̧h ke law sana ya.

A woiri gunri ba, sa̧w woiri ɓa Ŋgerzah. I haw ŋgermu ké tul nzukbaa Ŋgermbayri-aw ha-haw ɓay fe le, a ye ké-e ƴo ziŋ wuri ra ke ŋger mba tul a ye-aw ké ƴo ziŋ nzuk tukalari.

A wah le nah sa nzuk mbaŋ wah ɓay fe le, a ye Ŋgerzah ke sa na ke titilu.

Gun sanari, náh sa wuri haniri ɓay fe le, law sana ur ké ta̧w Ŋgerzah. Nzuk a suŋ suŋ gbam ké sa nzuk mbaŋ ye le, sa̧w mi̧hri mbuŋna ye ɓa Ŋgerzah. Ke tu Ŋgerzah tu-tu.

Nzuk ké sa nzuk mbaŋ ye ya le, bɔk mbew ye gel-tu Ŋgerzah ya ɓay fe le, law sana ɓa mun Ŋgerzah.

Kaŋaw mí ɓa law sana ɓay fe le, law sana ti ke tul wah ya. Wara le a ye mí ke sa na. Ke pih gun ye ɓa fe puhna lu keni salɓay suya ké tul wah.

Gun sanari, kandɔk ké Ŋgerzah sa na ba wa, a wah kara mbɔlu na tul wah ɓay náh sa wuri haniri kaŋ pi ya le ?

Kaŋaw mí law sana Ŋgerzah ten mun ké mun wahri ɓay fe le, ke pih gun ye ké mbew yaŋ gi tukala hi̧ nah ƴo ke ɔkna ɓay tul gunu.

Gelke nzuk ɓah : « Mi sa Ŋgerzah. » Mí nzuku fu̧y nzuk mbaŋ ye le, ke ɓa nzuk nzak rɔkna. Kandɔk ké-e fu̧y mbaŋ ye ké-e ko ke nun ra wa, ani mí Ŋgerzah ké-e ko ni ke nun ya ba, ke sa ni lo ?

Gelke nzuk ɓah ketina ɓahri, gun Ŋgerzah ɓa a ye Zezu le, Ŋgerzah kaɓ mbew ke nzuku, nzuku kara kaɓ mbew ke Ŋgerzah pi.

Bolkusol ké-e pih hi̧ na ra, ke pih ɓay hi̧ nzuk ké sa Ŋgerzah le, ɓá sa nzuk mbaŋ ye pi.

Gun sanari, nzuk ɓah ɓay ɓahri, Tem sɔk ni le, í ya̧ ɓayu ɓa ɓay a Tem Ŋgerzah ya. Wara le í leh ɓayu, í ko. Temu ɓa Tem Ŋgerzah mini ɓa záh a ɓoru mí ndoh ɓayu ɓil law nzuku le ? Ɓay fe le gun nzak pihna a fohri ɓa ŋgi̧-u ƴo tukala. Kaŋaw mí i tu tem ké ɓa Tem Ŋgerzah. Nzuk a suŋ suŋ gbam ké tem hi̧ ni ɓah ketina ɓahri, Ŋgermbay ɓa Zezu ké gi ɓa nzuk pirmatul le, tem ké ƴo ziŋ nzuku ɓa Tem Ŋgerzah gaŋ.

Nzuk a suŋ suŋ gbam ké tem hi̧ nzuku ɓah nzak ye ɓahri, Ŋgermbay ta ɓa a ye Zezu ya bale, tem ké ƴo ziŋ nzuku ta ɓa Tem Ŋgerzah ya. Temu ɓa tem nzukbaa Ŋgermbay munu. A ye ra i lah ɓahri se, tem nzukbaa Ŋgermbay ƴo gina, aŋay kara ke ƴo tukala da.