Versets bíblics populars de Luke 7

Comparteix

Tighenguno ino ovilo pìní, li no kikimiye kijè pephe piye ketoi li xiné kutomo akeu qhivetsü ae. Ikemu khuno lau akipimí kitila likhi qhivetsüa keno kikimiye kitila likhi ke.” Jisü no li vilo pi, “Oxinéqo qhivetsüae.”

Jisü no totimi vilo pi, “Oküpülü no oxaluvae, aloino wolo.”

Li no Jisü thiu ighino puthugho püzü qa akelo li nhezü no Jisü pukhu pütsáve ghi ae. Tisheno li no li kütsüsa pesü Jisü pukhu isütsü, apukhu lo mümatsü eno axokütsüngü lepukutsüe.

Ni ampi no olau ighi nikeu ghí aküzüpu kumoe. Ikemu nono azah tsüve aye iqeu ye viluve nanie. Kughengu ni ghí kükagha qholo ani eno iqhou ghüshimiqo ani. Ino ghüshimi lakhi vilo, ‘wulo,’ ipi aye pa no wucheni; eno ino, ‘Ighilo,’ ipi aye pa no ighi cheni. Ino iqeu vilo, ‘Hipau shilo,’ ipi aye pa no shi cheni.” Kughou Jisü no hi chilu keno pa ye aqhe shou zatsüu jupe akichiqhive eno pa no pa pape chekemi aqokitikhi küdau tsüghǜ idewo panongu vilo pi, “Ino nongu vilo pìní, ni ye Israelmi dolo mu aküpülü kuloghi hitoi kemi phu müla aphie.”

Tipau tüqhüdo lo Jisü no aküsǜ jeli, küsükinimi eno tüghaküsa ghawu akeqo kutomo shipivi tsü, eno anhethi kighichemi kutomo pelo ithuluve pe. Tisheno pa no John ghini-kishimiqo vilo khochile ghi pi: “John lau idechile wo püzü nongu no kiu chilu eno ithulu keno pesü pa vilo pilo: Anhethi kighichemi no ithulu ani, apukhu kinitave kemi no alachelu ani, apügha kupumiqo shikimtheve ani, akìní kughupomi no chilu ani, kithimi xüputhuve ani, eno atsakiviu pesü athokhami lau asheshu anie.