Versets bíblics populars de Wulo 2

Comparteix

Na ayi, ɛdawɔ mumua ne ɛyɛ nyɛleɛ mɔɔ ɛbua awie mɔ nwolɛ fɔlɛ la bie. Ɛnee ɛdwenle kɛ ɛkɛvi nu wɔ Nyamenle ndɛnebualɛ ne anu ɔ? Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

Zɔhane ati ayi, wɔmɔ a ɛle nwane bɔbɔ a, ɛnlɛ adenle ɛmbua awie mɔ ndɛne hweledede. Saa ɛbua awie ndɛne wɔ ye nyɛleɛ nwo a, ɛnee ɛlɛbua ɛ nwo fɔlɛ, ɔboalekɛ ɛdawɔ mumua ne mɔɔ ɛlɛbua ndɛne ne la ɛyɛ nyɛleɛ ko ne ala mɔɔ ahenle mɔɔ ɛlɛbua ye ndɛne la yɛ la bie.

Ɔluakɛ Nyamenle bua menli kɔsɔɔti ndɛne wɔ adenle ko ne ala azo.

Ɔluakɛ tɛ mɛla ne ɛdielɛ a maa sonla sɔ Nyamenle anye a, kyesɛ ɔyɛ mɔɔ mɛla ne se la.

Ɔluakɛ Nyamenle badua awie biala kakɛ, kɛmɔ ye gyima de la.

Bie mɔ noko le angomedi, bɛkpo mɔɔ le nɔhalɛ la na bɛdi ɛtane nzi. Bɛ nwo zo yɛɛ Nyamenle bawola ye ɛya kpole ne agua a.

Noko bɛmɛ bɛ nzo yɛ se kpalɛ, yɛɛ bɛsolo. Zɔhane ati bɛlɛmaa bɛ ndeanlɛ ayɛ kpole wɔ Kenle ne mɔɔ Nyamenle ɛya ne nee ye ndɛnebualɛ fɔɔnwo ne kɛdwu la.