1
Wulo 12:2
BAEBOLO ANZƐƐ BULUKU NWUANZANWUANZA
NB
Bɛmmamaa ewiade amaamuo di bɛ adwenle. Bɛmaa Nyamenle ɛhakyi bɛ adwenle bɔkɔɔ, na bɛahola bɛanwu Nyamenle ɛhulolɛdeɛ kpalɛ ne mɔɔ le kpalɛ, ɔsɔ ɛnyelɛ, na ɔdi munli la.
Compara
Explorar Wulo 12:2
2
Wulo 12:1
Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.
Explorar Wulo 12:1
3
Wulo 12:12
Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.
Explorar Wulo 12:12
4
Wulo 12:21
Bɛmmamaa ɛtane fo bɛ nwo zo; bɛva kpalɛyɛlɛ bɛli ɛtane nwo zo konim.
Explorar Wulo 12:21
5
Wulo 12:10
Bɛva mediema ɛhulolɛ bɛhulo bɛ nwo ngoko kɛ bɛle Kelaese ɛdoavolɛma, na bɛbɔ mɔdenle bɛpele bɛbu bɛ gɔnwo mɔ kpalɛ kpalɛ.
Explorar Wulo 12:10
6
Wulo 12:9
Bɛmaa bɛ ɛhulolɛ ɛyɛ nɔhalɛ ɛhulolɛ; bɛhyi mɔɔ le ɛtane la na bɛzɔ mɔɔ le kpalɛ la anu.
Explorar Wulo 12:9
7
Wulo 12:18
Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu.
Explorar Wulo 12:18
8
Wulo 12:19
Ayi mɔ, bɛmmafa ɛtane bɛtua ɛtane kakɛ ɛlɛ, bɛgyakyi debie biala anu bɛmaa Nyamenle ɛya ne. Ɔluakɛ Nyamenle Edwɛkɛ ne se, “Nzenralɛ le me ɛdeɛ, mebadua ɛtane kakɛ, Awulae a se a.”
Explorar Wulo 12:19
9
Wulo 12:11
Bɛyɛ gyima ɛsesebɛ, bɛmmayɛ mgbovonle, na bɛva bɛ ahonle muala bɛzonle Nyamenle.
Explorar Wulo 12:11
10
Wulo 12:3
Melua Nyamenle ɛlolɛ ahyɛlɛdeɛ ne mɔɔ yeva yemaa me la azo mese bɛ muala kɛ bɛmmamemaa bɛ nwo zo. Bɛdwenle kpalɛ na bɛbua bɛ nwo ndɛne ngoko wɔ diedi dodo mɔɔ Nyamenle ɛva ɛmaa bɛ la anu.
Explorar Wulo 12:3
11
Wulo 12:17
Saa awie yɛ bɛ ɛtane a, bɛmmadi ye nzenralɛ. Bɛbɔ mɔdenle bɛyɛ mɔɔ awie biala nea a ɛnee nwolɛ te la.
Explorar Wulo 12:17
12
Wulo 12:16
Bɛmaa bɛ muala bɛ adwenle ɛyɛ ko. Bɛmmayɛ mgbanyizonle, bɛ nee ahoahweabane ɛdu. Bɛmmabu bɛ nwo kɛ bɛle nrɛlɛbɛvolɛma.
Explorar Wulo 12:16
13
Wulo 12:20
Yemɔti, kɛmɔ Nyamenle Edwɛkɛ ne se la, “Saa ɛhɔne ɛlɛku wɔ kpɔvolɛ a, maa ye aleɛ ɔli; saa nzuhɔne ɛlɛku ye a, maa ye nzule ɔnlo; ɔluakɛ saa ɛyɛ ye zɔhane a, ɛnee ɛlɛkuohua senle samɛnlakɛ ɔ ti zo.”
Explorar Wulo 12:20
14
Wulo 12:14-15
Bɛzɛlɛ Nyamenle nyilalɛ bɛmaa menli mɔɔ yɛ bɛ kpɔdekpɔde la; ɛhɛe, bɛzɛlɛ nyilalɛ bɛmaa bɛ, bɛmmasɛlɛ ndeanlɛ. Bɛ nee mɔɔ di fɛlɛko la ɛli fɛlɛko na bɛ nee mɔ su la ɛzu.
Explorar Wulo 12:14-15
15
Wulo 12:13
Bɛmaa bɛ sa ɛdwu mediema Kelaese ɛdoavolɛma mɔɔ ɛhyia la anwo zo, na bɛlie nyɛvolɛ wɔ bɛ azua nu.
Explorar Wulo 12:13
16
Wulo 12:4-5
Kɛmɔ sonlabaka lɛ ye nvɛyeba dɔɔnwo na nvɛyeba ko biala lɛ ye gyima mɔɔ ɔdi la, zɔhane ala yɛɛ saa yɛzonle bɔbɔ a yɛ muala yɛbɔ nu a yɛle sonlabaka ko wɔ Kelaese anu, na yɛsosɔ yɛ nwo ngoko kɛ sonlabaka nvɛyeba ne mɔ sosɔ bɛ nwo la a.
Explorar Wulo 12:4-5