Versets bíblics populars de Dw 19

Comparteix

Gyisɛse liele nwanye ne na ɔhanle kɛ, “Yewie!” Akee ɔbɔle ɔ ti aze na ɔwule.

Gyisɛse nwunle kɛ akee debie biala ɛli munli ɛwie. Yemɔti amaa Nyamenle Edwɛkɛ ne ayɛ nɔhalɛ la, ɔhanle kɛ, “Nzuhɔne ɛlɛku me.”

Gyisɛse nwunle kɛ ɔ nli nee ɛdoavolɛ ne mɔɔ ɔkulo ye edwɛkɛ la gyi ɛkɛ ne la ɔhanle ɔhilele ɔ nli kɛ, “Ɔmɔ, nea, ɛ ra nrenya ɛne.” Akee ɔzele ɛdoavolɛ ne kɛ, “Ayi, ɛ nli ɛne.” Ɔvi mekɛ zɔhane, ɛdoavolɛ ne vale Gyisɛse ɔ li na ɔ nee ye hɔdɛnlanle.

Bɛdwule Gyisɛse anwo ɛkɛ ne la, bɛnwunle kɛ yewu dɛbadɛba; yemɔti bɛambubu ɔ gyakɛ. Na sogyama ne mɔ anu ko wɔle Gyisɛse anvenle atwɛ, na ɛkɛ ne ala mogyanzule hwinle guale.

Bɛyɛle ɛhye amaa Nyamenle Edwɛkɛ ne ayɛ nɔhalɛ kɛ, “Bɛambu ye bowule ko bɔbɔ.” Eza Nyamenle Edwɛkɛ ne ko noko se, “Menli anye banwu mɔɔ bɛwɔle ɔ nvenle atwɛ la.”

Bɛmanle ɔzoale ye meanubaka ne na ɔrale ɛleka bie mɔɔ bɛfɛlɛ ye wɔ Hibulu aneɛ nu “Gɔlogɔta” la. (Gɔlogɔta abo a le Etile Kanrɛlɛ Ɛleka)

Sogyama ne vale evileni nwonle abɔtile na bɛvale bɛkpolole Gyisɛse ati; bɛwulale ye tɛladeɛ kɔkɔlɛ bie mɔɔ arelemgbunli ala a wula la