Versets bíblics populars de Sant Marc 7

Comparteix

Car es dóu dedins, es dóu cor dis ome que sorton li marrìdi pensado, lis adultèri, li fournicacioun, lis oumicide, Li larrounice, l'avariçun, li meichantiso, li troumparié, lis impudicita, l'uei catiéu, lou blasfème, la supèrbi e la foulié. Tóuti aquéli mau, es dóu dintre que sorton e 'mbrutisson l'ome.

Noun i'a rèn foro de l'ome qu'en intrant dins éu, lou posque embruti; mai ço que sort de l'ome, vaqui ço qu'embrutis l'ome.

Mai éu ié respoundeguè: Isaìo a bèn proufetisa sus vautre, ipoucrito, quand escrivié: Aquéu pople d'aqui m'ounouro de bouco, mai a soun cor liuen de iéu.

En rèn i'avanço que m'ounouron, en ensignant de dóutrino e d'ourdounanço umano.

Avès, dóumaci, leissa de caire lou coumandamen de Diéu, em'acò gardas la tradicioun dis ome, lavas li dourgo e li got; e i'a 'ncaro bèn d'àutri causo ansin que fasès.