Versets bíblics populars de Sant Marc 12

Comparteix

Jèsu ié respoundeguè: Lou proumié de tóuti li coumandamen, vès-l'eici: Ause, Israèl, lou Segnour toun Diéu es lou soulet Diéu. E amaras lou Segnour toun Diéu de tout toun cor, e de touto toun amo, e de tout toun èime, e de touto ta forço. Acò 's lou proumié coumandamen. Lou segound ié ressèmblo: Amaras toun prouchan coume tu-meme. De coumandamen mai grand qu'aquéli, n'i'a ges.

Em'acò Jèsu, sounant si disciple, ié faguè: Veramen vous lou dise, aquelo pauro véuso a mai douna que tóuti aquéli qu'an mes dins lou trounc. Dóumaci, tóuti i'an mes de soun abounde; mai elo a douna, de sa paureta memo, tout ço qu'èro de siéu, tout ço qu'avié pèr soun recate.

Jèsu, s'estènt pièi asseta contro lou trounc, espinchavo lou mounde que ié jitavo d'argènt; e i'avié bravamen de riche que n'en jitavon forço. Venguè peréu uno pauro véuso que ié boutè dos peceto de la valour d'un quart d'as.

E fau l'ama de tout soun cor, e de tout soun èime, e de touto soun amo, e de touto sa forço; e ama lou prouchan coume se-meme, acò 's mai grand que tóuti lis ouloucauste e li sacrifice.

Jèsu ié respoundeguè: Rendès dounc ço qu'es de Cesar à Cesar, e ço qu'es de Diéu à Diéu. E restavon espanta davans éu.