Versets bíblics populars de Ageini 28

Comparteix

Ngei kiber be ango abino bedo tie kedi, doko abino gwoki i kabedo dedede kame in ioto iye, di ako bino dwoki i lobo noni. Ango likame abino weki tuno di atieko timo gikame acikere pi timo ni.”

Rwot oko cungo i ngete di oko waco ne be, “Ango en Rubanga ka kwaru ni Aburaam kede Rubanga ka Isaka; lobo kame nataman itie buto iye noni ango abino mino buti karacel kede ikwae ni.

Yakobo oko cei ki wang nino di eko waco be, “Ateteni Rwot tie kane, ango oudo likame angeo!”

Di Yakobo oko kwongere but Rubanga be, “Ka ibedo tie keda, di iko gwoka i sapali kame nataman atie ot iye, di iko mina mugati me acama kede egoe me angapa, tetekeny ako dok tuno i ot ka papa na kede mulem, abino mini ibedo Rubanga na. Kidi me iyutun kame ango atieko sipo bino bedo kakame kowori kiye; doko ateteni abino mini acel me tomon me gi dedede kame imia.”

Ikwae ni bino bedo tot bala asinge kame tie i wi lobo. Gin kibino nyai kiko sarakin dok tetu tim, tetu kide, tetu malo kede tetu piny; doko jo dedede me wi lobo bino udo winyo pi in kede pi ikwae ni.

En eko lwongo kabedo nono be Betel; do i agege nying bomba kame oudo tie kanono en Lus.