Versets bíblics populars de ABAROMA 2

Comparteix

Nebutswa iwe owashianje oukholanga malala katsana akokhalachilanga abandi, opaaranga mbu olehonokokha eshinyasio shia Nyasaye? Noho haundi olechelesinjia tsimbabasi tsia Nyasaye tsikhongo, nende obwisimilisibwe nende obwifwilibwe? Shimumanyile mbu, Nyasaye akhwisimilisilinjia mbu kho khwikalukhasie tawe?

Bulano owashianje, okhalachilanga abashio eshiina noho? Shiolikhwo neshibehelesi shiosi shiosi ta, kata lwoba noli wina. Shichila nokhalachila abandi eshiina, ne nokhola akabakholanga ako, kho wikhalachilanga eshiina omwene.

Okhuba Nyasaye shiakholanga ebiela olwa akhalachila abandu eshiina ta.

Okhuba shikhuli khulwa okhuhulila amalako okhuchila abandu nibaba abalunjishi imbeli wa Nyasaye ta, nebutswa khulwa okhukhola akamalako kalakanga.

Okhuba Nyasaye alirunga buli shiamulala okhulondana nende akayakhola.

Ne abandi nabo nabokhwiyenyela khandi baloba akali amalayi nibakhola amabi, khubeene abo Nyasaye alabamanyia liruma nende okhusinyikhakhwe.

Nebutswa inywe muli abatinyu khandi abemioyo emiumu, khulweshio abeene mumeetanga eshinyasio shienywe okhuba eshikhongo okhushila eshiokhunyanga eyoburuma nende eyokhukhalachilwa eshiina shiahabwene shia Nyasaye yilifwimbulwa.