Versets bíblics populars de EBIKHOLE BIA ABARUME 1

Comparteix

Ne mulanyoola obunyali olwa Roho Omutakatifu aletsa khwinywe, ne mulaba abaloli banje mu Yerusalemu, mu Yudea nende mu Samaria mwosi, kata okhuula mushialo shiosi.”

Yesu nabakalusia naboola ari, “Ebise nende tsinyanga etsiakene ako bili mubunyali bwa Papa wanje mwene, ne shikali akenywe okhumanya olwa kakhabeho tawe.

Ne olwabakhung'ana halala, yabalachilisia naboola ari; “Shimurulekhwo mu Yerusalemu tawe, habula mulindilile eshihaanwa shiandamuboolela, eshia Papa wanje yasuubisia. Yohana yabatiisia namaatsi, nebutswa olunyuma lwetsinyanga tsinduutu namubatiisibwe khulwa Roho Omutakatifu.”

Khulwa tsinyanga amakhumi kane olunyuma lwokhufwakhwe, yaloleshela abeechibe akhandi akhanji, mutsinjila etsiabamanyia obulayi bwene mbu, yaliho mwoyo. Bamulola, ne naboola ninabo khumakhuwa aka Obwami bwa Nyasaye.

Ne olwa yali niyakhaboola ario, yabukulwa nayilwa mwikulu nibalolanga, ne nakhamiushila mwileesi, nibalamulolakhwo khandi tawe.

Ne olwa bali nibashirangaalile mwikulu naye nashiyilwa ario, lola, abandu babili abali nibefwalile tsingubo tsindafu tswe basinjilaho. Abandu babili abo nibababoolela bari, “Inywe abandu ba Galilaya, mbushiina musinjiile hano nimuhenganga mwikulu? Yesu uno, oubukulwe okhurula khwinywe nayilwa mwikulu, yakhakalushe munjila ndala yene eyo, eya mulutsi natsilamwo mwikulu.”