Versets bíblics populars de Djaa 10

Comparteix

Bhʉlʉ ’zi ago bha naae ngʉbula nazi ’he. Anɨ ago ngʉbula nabhɵbhɵlɵ mabhɵlɵ. Anɨ ago ngʉbula nasisiti masiti. La ngama-a, ma ago ngʉbula me okandɵlɵ sia mʉkobho, u sia mʉkobho ango-o bhelé.

Ma ne bádha mʉlila gba okandɵlɵ. Mʉlila na babadha gba okandɵlɵ-o bedhe ngʉ́ naha mʉkobho gba e pɨ okandɵlɵ gba e-o.

Okandɵlɵ gba ma-a ngadje ’li ma. Ma ambɨla uo, u la di ngakpata ma.

Ma ngaha mʉkobho na dʉdʉma pɨ uo. U mú dʉdʉma de. Kpála bini tɨ́ la di da nagbʉlʉ uo ka ma de.

Ngama-a, ma ne ’bhɵ bhotɨ. Kpála ɨnde alɨ́ lɨ pá bɨlɨ gba ma-a, anɨ kóbho. Anɨ tɨ́ da nalɨ, anɨ kóto, anɨ tsia sía di ehe nazʉ mazʉ.

Ngama-a, ma ne mʉlila na babadha gba okandɵlɵ. Maka lɨ ’Dyɨ ma ambɨla ma lɨe, ma atsia ambɨla di anɨ-e, ma ambɨla okandɵlɵ gba ma-o, okandɵlɵ gba ma-a atsia ambɨla di ma. Ma la di bedhe ngʉ́ naha mʉkobho gba ma-a pɨ okandɵlɵ gba ma-o.

’Dyɨ ma ɨnde aha uo mʉma-a, anɨ ngbéngbé ane ndʉ ’ngʉ́ hana. Kpála bini tɨ́ la di da nagbʉlʉ ’he bini ka ’Dyɨ ma de. Ngaya ne ’Dyɨ ma-a, koli ya bha bini.»

Ngama-a, ma ne mʉlila na babadha gba okandɵlɵ. Maka lɨ ’Dyɨ ma ambɨla ma lɨe, ma atsia ambɨla di anɨ-e, ma ambɨla okandɵlɵ gba ma-o, okandɵlɵ gba ma-a atsia ambɨla di ma. Ma la di bedhe ngʉ́ naha mʉkobho gba ma-a pɨ okandɵlɵ gba ma-o.

Kpála bini ha mʉkobho gba ma-a ne kpéke de. Engʉ́ bini, ma ngahaha bha ngama. Ma ne angu ngʉ́ nahaha, ma la di ne angu ngʉ́ nasisia. Ma asia lɨ́lɨ bhomʉ-o ka ’Dyɨ ma.»

Abhomʉ-o, Yesu atsia apa matá me: «A moko, ma apa pɨ yi na paká me: ma ne ’bhɵ aga gba okandɵlɵ-o.

Kpála ɨnde ngamene kulu bha bini ngʉbula tɨa-a, a ko kʉkʉlʉ mʉlila gba okandɵlɵ-o de. A ko okandɵlɵ ka anɨ de. Lɨ anɨ u me sia ngago-o, anɨ há holo, anɨ ó ká uo. Abhomʉ-o, lɨ sia-a tɨ́ pɨ́ uo, anɨ tsia tsámbala uo.

Yesu apa me: «A moko, ma apa pɨ yi na paká me: kpála ɨnde ɨ lɨ bhʉ́ aga gba okandɵlɵ lɨ bhɵbhɵ-o de-e, engʉ́ bini, ɨnde ngaʉ lɨ pabu aga lɨ pápá koko-o, kpála ango-o ne bhʉlʉ ’zɨ. Anɨ la di ne bhʉlʉ nagbʉlʉ ’he gba okpála ne kpéke.