Versets bíblics populars de GÉNESIS 35

Comparteix

Taita Diosca, cashnatapashmi nirca: “Ñucami, tucuita rurai ushaj Taita Dios cani. Canga, ninanda mirashpa jundailla. Canmandaca, shujlla llacta cashpapash, tauca llactacunami tucunga. Cambaj huahuacunamandaca, jatun mandajcunapashmi llujshinga. Abrahamman, Isaacman carashca alpatami canmambash, cambaj cati miraicunamambash carasha” nircami.

Cunanga jatarishpa, Bet-el shuti pambaman vichai rishunchilla. Ninan llaquihuan causajui punllapi, ñuca mañajujta tigrachij Taita Diosmanmi, chaipi shuj altarta rurasha. Ñuca ñanda purishcapica, paimi ñucahuan cashca— nircami.

Taita Diosca, cashnami nirca: “Cambaj shutica Jacobomi. Cunanga, cambaj shutica na ashtahuan Jacobo cangachu. Ashtahuangarin cambaj shutica, Israelmi canga” nishpami paitaca, “Israel” shutita shutichirca.

Shina nishca jipami Jacoboca, paipaj familiacunata, tucuilla paihuan tiajcunatapash cashna nirca: —Canguna purapi tiaj shuj dioscunataca anchuchinami canguichi. Shinallata cangunapash armashpa, shuj churajunata churajuichi.

Taita Diosca, Jacobotami cashna nirca: “Jatarishpa, Bet-el shuti pambaman vichai rishpa, chaipi causangapaj quedanguilla. Cambaj huauqui Esaumanda pacajushpa rijujpi, canman ricurishca Taita Dios ñucaman shuj altarta rurangui” nircami.

Alma llujshishpa, Rebeca (ña huañujpica), chai huahuagutaca, “Benoni” shutitami shutichirca. Ashtahuangarin chai huahuapaj taitaca, “Benjamín” shutitami shutichirca.