Versets bíblics populars de MARCOS 12

Comparteix

Jesustaq payman ajinata jaynirqan: –Tukuy kamachiykunamanta kurajkaq kamachiyqa kaymi: ‘Israel llaqta, uyariy: Apu Dios Tatanchis sapallanmi Apu Tatanchisqa. Apu Dios Tataykita tukuy sunquykiwan, tukuy kawsayniykiwan, tukuy yuwayniykiwan, jinataq tukuy kallpaykiwan munakuy.’ Chaywampas ujpiwanraq kan: ‘Runa masiykita qan kikimpas kanman ajinata munakuy.’ Manam maykaq kamachiykunapas kaykunamanta niqtimpas astawan kurajkaq kachkanchu –nispa.

Chhikataq Jesusqa yachaqaq qatiqninkunaman ajinata nispa ninrincharirqan: –Sut'intapunim niykichis, kay sapayaq wajcha warmiqa tukuy pikunachus qulqita churachkanku, chaykunamanta niqtimpas astawan achkhataraqmi qun. Imaraykuchus tukuyninkum puchuqninkunallamanta jaywanapaq qunku, chaywampas payqa mana imayuq kawsaynimpi kachkaspa, tukuy kawsanampaq kaqnintam qupun –nispa.

Uj p'unchay Jesusqa Diospaq wasimpi, jaywanapaq qulqi churana ñawpaqimpi tiyachkarqan, paytaq imaynatachus runakunaqa chayman qulqita churaykuchkarqanku chayta qhawachkarqan. Achkhayuq qhapaq runakunataq achkha qulqita jach'iykuchkarqanku. Ajina kachkaqtintaq, uj mana imayuq sapayaq wajcha warmi chayman chayamurqan, chhikataq juch'uy pisi chaniyuq iskay qulqikunallata chay ujkaq qulqi jaywana chhikaman iraykurirqan

Imaraykuchus Diosman tukuy sunquwan, tukuy yuwaywan, tukuy kallpawan munakunaqa jinallataq runa masinchisman nuqanchis kikimpas kanman ajinatam munakunaqa, tukuy wañuchisqa uywakunata ninaman ruphaykuchispa Diosman jaywanamanta, jinataq Diosman jaywanapaq wañuchisqa uywakunamanta niqtimpas astawan allinkaqqa –nispa.

Chhikataq Jesusqa paykunaman ajinata nirqan: –Ajinaqa, imachus Roma llaqtapi kaq athun suyukuna apaykachaq runapaq kachkan chaytaqa payman qumuychis, Diospaq kaqtataq Diosman qullaychistaq –nispa. Chay jaynisqantaq musphachkaqtam paykunaman saqipurqan.