Versets bíblics populars de Mélékusu 12

Comparteix

Yésusu go mo gundie a amɔ́: «Gá busío gɛ́ lɔ́mɔ́: Batɔ bá Ɛ́sɛlahɛ́ɛlɛ, bódólígínyóomú nɔnɔ bese. Daadáa, Asaŋa bɛcɔ́, a lɛ́ táŋɛ́ ummue. O háanana go maamana Daadáa Asaŋa bahɔ na odɛ́má yáhɔ uŋkimée, na gɛɔyɔ gáhɔ giimée, na mbééníŋínyí yahɔ iŋkimée na bogaaga báhɔ buimée. Gá gáandɛ́ɛ gɛ́ lɔ́mɔ́: O háanana go maamana sɔ́gɔ́ɔ aŋa maamɔ́ɔ moatɛ́. Gíncodío gá go dómba bɛ́ɛbɔ gɛ́ dɛ báá.»

Yésusu go dɔ́ŋɛnɔ behúúní bɛ́hɛ́ go bó oyana a amɔ́: «Ŋgaá nyó oyáná mammana caá; osógasoga ba gisí gá okɔ́dɔ mɔ́ɔnyɔ a á fáá a báá dómbá batɔ biimée báaba bá ncomɔ́ nɔɔnɔnɔ muinyí naá gɛágɛ́ná bɛbáágá. Mammana, biimée púmú bá báá nco go ágana muinyí mɔ́ɔmɔ mó á lɔmɔ́ mó do gɔnɔ́ bó dúgune. Kanɛ́ mɔ́ɔ, na gosóga gɛ́hɛ́ guimée, a báa nco fáa bɔ́ɔbɔ bó báá ná ŋá bó báa go mo síenine go gɛɔyɔ gɛ́hɛ́.»

Gɔ́ɔ Yésusu a lukumenemú cɛŋɛ na hoóma háaha bá mbaá lɛ bá ágana bɛbáágá bá muinyí naá Nnyaŋá ya Asaŋa. A núune aŋa gitúu gá batɔ gɛ́ mbaá lɛ gɛ́ nco nɔɔnɔnɔ muinyí kɔ́ɔ. Banɔ́mɛnɔmɛ gɛca bá mba lɛ́ bá sugunene muinyí makɔ́nɔ́. Gɔ́ɔ osógasoga ba gisí gá okɔ́dɔ u úlemú, gɛ́hɛ́ go nco nɔɔ muinyí ŋginyí má bɛkɔ́ŋɔ móandɛ́, nɛnamá ná motótóla.

Mɔtɔ a háanana go mo maamana na odɛ́má yɛ́hɛ́ uŋkimée, na mbééníŋínyí yɛhɛ́ iŋkimée, na bogaaga bɛ́hɛ́ buimée, a gɔnɔ maamana sɔ́gɔ́ɔ bɛhɛ́ aŋa mɔ́ɔ moatɛ́, bɔ́ɔbɔ bó lɛ́ na ndénégé bó dómba bɛbáágá bá nnyama biimée bɛ́ɛbɛ bá lókononyomú naá gɛdálɛ́ná na bɛbáágá mbɔ́dɔ iŋkimée.»

Yésusu go bó oyanamɔ́ a amɔ́: «Gundínyée nɔnɔ Sɛsáalɛ bɔ́ɔbɔ bó lɔ́mɔ́ bá Sɛsáalɛ, no gundinye Asaŋa bɔ́ɔbɔ bó lɔ́mɔ́ bá Asaŋa.» Bá mba lɛ́ na bibékúkí makɔ́nɔ́ na kundíemú yɛhɛ́.