Versets bíblics populars de Matìo 5

Comparteix

Ghùw yò aledàa tsughu lâm ù pfʉā naŋā tsughu an ndzə̀ŋ. Ù lǎam tìso naaŋ kɔʼ an ti kə lâm enyəa zə̀ è baŋā ndughu e dzə̀m. Ghəəŋ tsughu nlò enyəa kɛ̀ʼɛ̀ kɛʼɛ kə e bɔɔm baŋā sugho êzə̀ an sə kə aghì. Ghe e koʼō ghəa fwàʼ kɛʼɛ kə dzɔɔ̄ a te, ghe e kɔʼso Tsele wɛʼɛ wəla ù lò alo kəwālā.”

Ghɛ̀ lo kəkɛ̀ʼɛ̀ â ghì a mbī gho. Naʼ zəla e lo aŋ kwàʼ yò nàn kə enaʼ.

Dzɔ̀ lò â ghì ghəla ghe ki fə̂ŋ tə̀ zɔlɔ to, tɔŋlo enyəa ghe lo kòʼò nǔ Zə̀ kò.

Dzɔ̀ lò â ghì ghəla ghe ŋgeē dəmà alelō tsəghatsəgha an sə kə Kəzə̀, tɔŋlo enyəa Zə̀ kə̀ kê ghə̌əŋ nù ghe doʼò fəgha kəla ghe ləghaa.

M̀ fɛ kuuwn dzàa wò â ghɛ̀ êzəŋ enyəa ghɛ è ləghaa nduw ghî ghəla ghe bâa ghɛ, gɔ̀ɔŋ ndùw an tuw u ghì ghəla ghe bwiī an tàaŋ tə efwe tɛʼɛ̄

“Dzɔ̀ lò â ghì ghəla ghe ləə̄m təla ko â Zə̀ kò, nu fɔ̂e u kəwālā u lo â ghee.

Dzɔ̀ lò â ghì ghəla ghe bughô â bughuso zo, tɔŋlo enyəa ghe lô ghee tɔɔŋ tsughuu enyəa ghe lo wɛ a Kə̀zə̀.

Dzɔ̀ lò â ghì ghəla ghe dînlo êzə̄ŋ, nu Zə̀ kə̀ lo tsəmso nǔ ghee.

Dzɔ̀ lò â ghì ghəla ghî à ndzaŋso ghee, mbuu ghe lô tsəghatsəgha, tɔŋlo enyəa kə ghee kə lo fɔ̂e u kəwālā.

Dzɔ̀ lò â ghì ghəla ghe ki se è kwuso zo, nu Zə̀ kə̀ lo kwuso sùghò nù se zo a zəŋò ghee.

Dzɔ̀ lò â ghɛ̀ abugho ghî a tsɔ̂ɔm ghɛ̀, ndzaŋso ghɛ̀, bə̀ghàan nǎaŋ wò bòobò tə agha a zəŋò ghɛ̀ tsə̀təndə̄ghā taŋa. E saŋlo nlò, ghɛ̀ è nyumlo, tɔŋlo enyəa namso kɛʼɛ kə dûuw nù alo kəwālā. À lò sugho eghala aŋghəa ghe fə̀ ndzaŋso ghiīshʉ̀ghà a Kəzə̀ a sûesʉ gho êzə̀.”

Dzɔ̀ lò â ghì ghəla ghe zʉ̂ tsughu ghue zo, tɔŋlo enyəa ghe lo kele nù fʉgha wə̄n ù dzə̀m Zə̀ kə̀ to naŋā â ghee.

“Ghɛ̀ lo tò ntsôʼ â ghì a mbī gho; abugho tsòʼ ŋ kôom kpəŋò yo, a lo aleghəŋlo ênzə̂n enyəa ŋ kòom kpə̂ŋ a? M̀ fi kôom kì yo fwàʼ kò, n lò ko alekwə̀là maʼà, ghî ghə̀ è dzughònlò.

À fi lo enyəa ghù kì aletèlè doʼò tsughu tsəghatsəgha, tò Tsùghò alo kəwālā lô tsəghatsəgha.”

Mò ghù bǒo èghəa, ghù mo enyəa, Òo! Ŋkāa mò ghù tùe nû, ghù mo enyəa Ɛ̂ŋgaŋ — mo ghəa e kôom bàʼso wò a te, e fi sə aŋ ghùu Vʉatsə̄a gho.”

“Ghɛ̀ maā zuw sùghò enyəa, ‘Abugho ghùw sɔ̀ʼ sə zə̀ghà zò ghù n sɔ̀ʼ sùghò e wə̄n zo. Mò ghùw kwɛ̀ɛ sɔŋ zə̀ghà, ghù ŋ kwɛ̀ɛ sùghò e wə̄n zo.’ M̀ fɛ kuuwn dzàa wò â ghɛ̀ enyəa, kà fən mbə̀ghà a zəŋò ghùw wəla ù ghəəŋ boōn tsughu ghû â ghəa zo. Abugho ghùw sə̀ghàa dzôʼ kə̀a kə kwè ù təma wo alo kəsɛ̄ɛ, ghù n dè mɛ̀ʼɛ̀ ndùw kə̀ li kən.

Abugho sə zə̀ghà e kwè ù təma e tsoōm ghû enyəa ghù ghəəŋ bo zo, bʉ̀ɛʼɛ màʼa sə wò; tɔŋlo enyəa â Zə̀ ko alenìi màʼà gwən e ughùe zəghà e dzə̀m an tsə̀ fə̀ baŋā fo, dzɔ̀ lò enyəa ghù kuuwn guŋū bâ kə ughùe kò kə mɔ̀ʼ. Abugho kwe kə̀a kə̀ təma kə tsoōm ghû enyəa ghù è ghəəŋ bo zo, kə̌a màʼâ, tɔŋlo enyəa â Zə̀ kò alenìi maʼà gwən e ughùe zəghà e dzə̀m an tsə̀ fə̀ baŋā fo, dzɔ̀ lò enyəa ghù guŋu bâ kə ughùe kə̂a kò kə mɔ̀ʼ.”