Versets bíblics populars de Matìo 28

Comparteix

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to. Ghɛ̀ e zoʼn ndùw ghee enyəa ghee naaŋ lwâŋ wəla M̀ fughu wo â ghɛ̀ u dzə̀m; kòʼo sùghò nlò, Ǹ lo sɛ̀ alo tənə̀gha tə dzə̀m to mbī kê bughò mîa.”

Yɛso n daŋso bùghò dzɛ̀ tsùghù â ghee enyəa, “Dwaʼa wən u dzə̀m alo kəwālā àsùghò aŋ ghueekətsə̄, ghe m fughu â mùghò.

Tum è te m fwə̀n dzɛ̀ â yìzən yi gho enyəa, “Kǎ nlò tsəŋ; tɔŋlo enyəa Ŋ̀ kwo nû enyəa ghɛ̀ ləghaa alekòʼ Yɛso wəla ghe mò təghāa. Ù yò dzə̂ fɛ; nu ù ŋ kɔʼsə alo evʉ̄ aŋghəa ù mò dzɛ̂ naŋa. Bùgho kòʼ nlò bala zəla ù mò nyəŋ a tè à.

Yɛso n daŋso dzɛ̀ â ghee enyəa, “Kǎ nlò tsəŋ; nduw dzǎa ndùw nlò â waazə̂ ghaŋa gho enyəa ghe ndûuw aŋ Galèlîi, ghe sô mùghò koʼò a fughu.”

Tuw u təfɔ̀e wə̀ n dòʼò è tsughu, zə tsughu fə̀mbɛ̀ ghèe ghêe tsoʼ to, zueen tsughu tə sùghugòʼ aŋ kua ù səŋò wò, dzɛ̀ â ghee enyəa, “Ghɛ̀ è kəa kaaŋ nduw enyəa, ‘Tsə̀təndə̄ghā tə wə̄n tə mô bugho tsɔŋ nughu gwən e wə̄n â tsuʼ wo mo mgbii tə ŋ ghàʼ nî.’ Abugho ghəa zən bûʼ bughò nyə ko an tùuŋ kə gɔvə̀nò, ghàʼ lo təmā tsughu tsaʼ kə̀ saa ko am fə̂ŋ è wə̄n, a ghəə̄ŋ tsughu ù kele tsughu enyəa ghɛ̀ ki yo tsû ù li wo, ghɛ̀ e ki yo tsəŋ zo aŋ ghəa è li zo.” Ghe fi nî kɔ̀ʼ nû kua u te wo, ghəəŋ ndùw sùghò aŋghəa ghe teso dzɛ̂ tsughu â ghee. Dzûu tə̀ fɛ zùghòo tsə̀ghà kô ghəa yia chì tə fə̀ bughò dzɛ wo, bùghò sə̀ kɔʼ nɛ.