Versets bíblics populars de Ẹyano 10

Comparteix

Etiyin Ọrovwohwo da ta kẹ Mosis, Yanran bru Fero, kidie mi ru udu rọye gan kugbe udu rẹ idibo rọye, rere me vwọ vwẹ eka mẹ nana phia vwẹ ohri rẹ ayen, rere wo vwo gbe ikun nana kẹ ọmọshare wẹn vẹ emọ rẹ ọmọshare wẹn obo re me vwẹ ihwo rẹ Ijipt ha eha te, vẹ eka ri mi ru kẹ ayen; rere wọ vwọ riẹn nẹ Mẹvwẹ Ọrovwohwo na.

Etiyin Ọrovwohwo da ta kẹ Mosis, Riẹn obọ wẹn kpenu, rere ebri rhi mu vwẹ otọ rẹ Ijipt na, ebri re nyo vwẹ oma. Ọtiọye na Mosis da riẹn obọ rọye kpenu ebri ọgangan na de mu vwẹ otọ rẹ Ijipt na ẹdẹ erha; ayen gbe mrẹ ohwohwo-o yerẹ ohwo ọvuọvo vrẹn nẹ ẹdia rọye ẹdẹ erha-a; ẹkẹvuọvo ihwo rẹ Izrẹl ejobi de vwo orẹmrẹ vwẹ asan rẹ ayen epha ejobi.

Ọtiọye na Mosis da riẹn ọkpọ rọye phihọ otọ rẹ Ijipt na, Ọrovwohwo de dju odju nẹ obaro ọnre rhe otọ na vwẹ ẹdẹ yena vẹ ason yena; rẹ ọke rhi vwo rhie odju rẹ obaro ọnre da ghwẹ ebaka na rhe. Ebaka na da rhe vọn otọ rẹ Ijipt na, ayen de rhurhu otọ rẹ Ijipt na ejobi, kpisi a je mrẹ oghẹrẹ rẹ ebaka nana dẹvo-o yẹ a gbe je cha mrẹ ọfa-a.