Versets bíblics populars de NÚMEROS 20

Comparteix

Mandac Dios Moisestapish, Aarontapish rimashpaca: «Cancunaca ñucata mana crircanguichicchu, ñuca jucha illac cashcatapish israelcunaman mana ricuchircanguichicchu. Chaimantami cancunaca ñuca cushca llactamanca tandanacushca israelcunahuanca mana yaicunguichic» nirca.

«Cambac varata japishpa, cambac huauqui Aaronhuan ishcai tucushpa, tucui israelcunata tandachishpa, paicunapac ñaupapi jatun rumita rimai. Shina rimacpica, chai rumimantaca yacumi llucshinga. Chai yacutaca israelcunamanpish, paicunapac animalcunamanpish ubiachingui» nirca.

Chashna nishpami, Moisesca maquita alzashpa, paipac varahuan ishcai cutin rumi quingraipi huactarca. Chashna huactacpica, achca yacumi llucshirca. Chai yacutami tandanacushca israelcunapish, paicunapac animalcunapish ubiarca.

Chaimantaca Moisespish, Aaronpish tucui israelcunata ñaupapi tandachishpaca: «¡Mana cazuc israelcuna uyaichic! Cancuna ubiachunca cai rumi quingraimantami yacuta llucchigrinchic» nirca.