Versets bíblics populars de GÉNESIS 49

Comparteix

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

Joseca yacu ladopi huiñashca achca granota yura shinami cangui. Ramacuna pirca jahuata ric shinami cangui. Paitaca piñashpami, flechacunahuan shitashpa llaquichirca.

Paipac maquicunaca mana shaicushpami flechacunata charicurca. Rigracunapish sinchimi carca. Jacobopac imatapish ruhuaclla Diosmi chashna sinchita ruhuarca. Israelcunata michic sinchi Rumi shina Diosmi cuidacurca. Cambac taitapac Diosca ayudangami. Imatapish ruhuaclla Diosmi jahua pachamanta tamyachishpa, mama cuchamanta yacu cachashpa, achca huahuacunayucta ruhuashpa bendicianga.

Judá, cambac huauquicunami alli ninga. Canta piñaccunataca cungapi japishpami atingui. Cambac huauquicunallatacmi cambac ñaupapi cumuringa. Ñuca huahua Judalla, canca huahua león shinami cangui. Micushpaca jatun león shinami, aicha cuchullapitac sirirircangui. Chaipica, ¿pitac chayaringayari?

Rubén, canmi ñuca punta churi cangui. Canca ñuca huambra fuerzahuan charishca churimi cangui. Canmi punta alli nishcapish, sinchi mandacpish cangui. Canca yacu callpacuc shina, mana jarcaric cashpami, ñuca sueñuna camapi, ñuca caishuc huarmihuan sueñushpa, mana allita ruhuarcangui. Chaimanta ña mana punta churichu cangui.