Versets bíblics populars de ÉXODO 23

Comparteix

Canta Mandac Diosta servingui. Ñucami tandatapish, yacutapish bendiciasha. Shinallatac ñucami tucui ungüicunata canmanta anchuchisha. Cambac llactapica huahuata mana chari pudic huarmipish, shulluc huarmipish mana tiyangachu. Can causana huatacunatapish yapachishami.

Ñuca allichishca llactaman cuidashpa, ñanta pushachunmi, ñuca angelta ñaupata cachani.

Ashtahuanpish pai nishcata uyashpa, tucui ñuca nishcata ruhuacpica, canta piñaccunataca piñashami, shinallatac canta llaquichiccunataca llaquichishami.

Taucacuna millaita ruhuashun nicpipish, ama paicunata catinguichu. Ama taucacuna llullashcallamanta pitapish llaquichinguichu. Shinallatac huaccha cashcallamantapish, ama paipac parte tucunguichu.

Ama llullashpa rimanguichu. Ñucata mana cazuccunata ayudangaraicu ama llullanguichu.