Dios mandashcacunatapish, pai yachachishcacunatapish yachachishpa, ima shina causanata shinallatac imata ruhuanata yachachi. Israelcunapuramanta Diostapish manchac, cashcata ruhuac, cullquita japinata mana yalli munac runacunata acllai. Paicunamanta shuccunataca huaranga runata, shuccunataca patsac runata, shuccunataca pichca chunga runata, shuccunataca chunga runata ricuchun churai.