Versets bíblics populars de Римлянэнгэ 2

Comparteix

Ману́ш, ту со думинэса, со обджала Дэвлэ́скиро сэ́ндо, ке́ли ту сэндинэса манушэ́н, савэ́ кэрэ́на дасавэ́ рэ́нды и кокоро́ дова́-паць кэрэ́са? Ци ту на гинэса Дэвлэ́скиро лачхипэ́н, вырикирибэн и ужакирибэ́н, и, хай, ту на ґалёса, со Дэвлэ́скэ трэй, соб (кай) ту тэ рискирэс пэ́скиро джиибэ́н кэ Ёв?

Нанэ ту́кэ примангипэн, кажно ману́ш, саво́ сэндинэла явирэ́с, одолэ́-паць сэндоса ту кокоро́ явэ́са сэндиндло, пал-дова́ со, ко́ли ту сэндинэса явирэ манушэ́с, ту кэрэ́са дова́-паць кокоро́ пэ́скэ.

Пал-дова́ со Дэвэ́л кутякирэла шэра́ (ра́внэс) сарэ́ манушэ́н.

пал-дова́ со, на одолэ́ мануша́ исын чачунэ́ анги́л Дэвлэ́стэ, савэ́ шунэ́на Зако́но, а кодолэ́, савэ́ кэрэ́на пир Зако́но, ёнэ явэ́на зракхнэ́.

ке́ли Дэвэ́л отдэ́ла кажнонэ́ манушэ́скэ пхэнэ́ла пал лэ́скирэ рэ́нды

Нэ одолэ́н, кон кэрэ́ла пир пэ́скири годы́ и на приґалёла чачипэ́н, а кэрэ́ла фуипэ́н, кодолэ́с ужакирэ́ла холы́ и холямипэн Дэвлэ́стыр

А пир тыро́ накандыпэн и напорискирдо кэ Ёв ило́, ту кокоро́ пэ́скэ кэдэса буты́р холы́ пэ дывэ́с ваш Дэвлэ́скири холы́, ке́ли Ёв откэрэла Пэ́скиро сэ́ндо