Versets bíblics populars de Матфеё 7

Comparteix

Мангэ́н, и явэ́ла дыно́ тумэ́нгэ; родэ́н, и латхэ́на; марэ́н дро вуда́р, и псиравэна (отпхандэна) тумэ́нгэ.

Пал-дова́ со кажно, кон мангэ́ла, дорэсэ́ла пэ́скиро; кажно, кон родэ́ла, латхэ́ла; кажнонэ́скэ, кон марэла дро вуда́р, явэ́ла псирадо (отпхандло).

Кажно, кон шунэ́ла лава́ Мирэ́ и кандэ́ла лэн, исын сыр годьваро́ ману́ш, кон чхудя́ пэ́скиро кхэр пэ бар.

Кэрэ́н дова́ явирэ́нгэ, со тумэ́нгэ исын пир ило́, соб (кай) и яви́р тэ кэрэ́н тумэ́нгэ; Зако́но и проро́ки сыклякирэ́на дава́-паць.

Пал-дова́ со цясно исын по́рта и набуґло исын дром, саво́ лыджа́ла дро джиибэ́н, и на́бут латхэ́на лэс.

Заджа́н дро цясно (танго) по́рта, пал-дова́ со буґлы исын по́рта и отпхандло исын дром, саво́ лыджа́ла дро хасякирибэн, и бут джа́на дро дава́ вуда́р.

Ко́ли тумэ́ сан налачхэ́, и джинэ́на тэ кэрэ́н лачхипэ́н пэ́скирэ чхавэ́нгэ, пэ кицы́ буты́р тумэ́ндыр тумаро́ Болыбна́скиро Дад кэрэ́ла лачхипэ́н одолэ́нгэ, савэ́ мангэна Лэ́стыр.

На сэндинэ́н, и тумэн на явэ́на тэ сэндинэ́н, пал-дова́ со, сыр тумэ́ сэндинэна, адя́кэ-паць и тумэн явэ́на тэ сэндинэ́н; савэ́ мераса тумэ́ меринэна, дасавэ́-паць мераса тумэн явэ́на тэ меринэн.

Нэ кажно, кон шунэ́ла лава́ Мирэ́, и на кандэ́ла лэн, исын сыр балвалитко ману́ш, кон чхудя́ пэ́скиро кхэр пэ пра́хо

Со́скэ ту дыкхэ́са пэ тыкны пхусинка дрэ якх тырэ́ пшалэскири, а баро́ бэрно на дыкхэ́са дрэ пэ́скири якх? Ци, сыр ту пхэнэ́са пшалэ́скэ пэскирэскэ; ‘дэ, мэ вылава пхусинка тырэ́ якхатыр; а бэрно исын дрэ тыри́ якх?

Ракхэ́нпэ хоханэ́ пророкэндыр, савэ́ явэ́на кэ амэ дрэ бакраны и́дя, нэ андра́л ёнэ исын холямэ́ рува́; тумэ́ ґалёна лэн пир лэ́нгирэ барьякирдэ́. Ци скэдэ́на дылынэ́ чарьятыр винаградо (дракх) ци инжыро кодрилёстыр (дедоўникостыр)?

Адя́кэ-паць кажно лачхо́ кашт дэ́ла лачхэ́ барьякирдэ́ (пло́ды) и дылыно́ кашт дэ́ла дылынэ́ барьякирдэ́.

Лачхо́ кашт на могинэ́ла тэ дэл дылынэ́ барьякирдэ́, и дылыно́ кашт на дэ́ла лачхэ́ барьякирдэ́.

И кажно кашт, со на дэ́ла лачхэ́ барьякирдэ́, чингирэна тэлэ́ и чхурдэна дрэ яг.