Versets bíblics populars de Иоил 1

Comparteix

Подэн звесь (зан) пал свэ́нто посто, кхарэ́н тэ явэ́н пэ свэ́нто скэдыибэ́н, кэдэн пхурыдырэн (годэпхурэн) и сарэ́ манушэ́н далэ́ пхувья́тыр дрэ Кхангири́ Ра́скирэ-Дэвлэ́скири, тумарэ́ Дэвлэ́скири и прикхарэн зоралэ́с Рас-Дэвлэ́с.

Подпхандэнпэ жалобнонэ балытконэ гонэса, и ровэ́н зоралэ́с тумэ́, кон сан рашая́: тугинэ́н ровибнаса, тумэ́ кон кэрэ́ла Дэвлэ́скири буты́ анги́л алта́рё. Явэ́н, пасён сари́ рат, дрэ жалобна балытка гонэ́ тумэ́, кон кэрэ́ла буты́ мирэ́ Дэвлэ́скэ; пал-дова́ со буты́р на янэ́на свэ́нто дыибэ́н гивэстыр и тхадуно свэ́нто дыибэ́н дрэ Кхангири́ тумарэ́ Дэвлэ́скири.

Винаграды́тко бар шутия, и инжыритко дрэ́во зашутия, и гранатытко дрэ́во, и пальма адя́кэ-паць, и пхабалин – сарэ́ дрэвы пэ фэ́лда зашутинэ, дыкхэ́н, нанэ буты́р ра́дыма манушэ́нгирэ чхавэ́ндэ.