Versets bíblics populars de Jezekiljo 37

Comparteix

I phendiá mánge: “Phen pir lav angilphenybén pe kadalé kokalý, phen lénge: ‘Šuké kokalý! Šunén Ráskire-Devléskiro lav! Adiáke rakiréla Raj Devél, Devél pe kadalé kokalý: ‘Ake, Me čhuváva dúho (fáno) dre tuménde, tumé otdžidjona.

I Me občhuvava tumen žylenca, vybarjakirava pe tuménde masá, učhakirava tumen cypasa, zalydžava dre tuménde dúho (fáno); i tumé otdžidjona, i ĥaljona, so Me som Raj Devél.’”

I phendiá mánge: “Manušéskiro čhava! Otžidjona li kadalé kokalý?” Me phendjom: “Rajo Dévla! Tu džinésa davá.”

Sys pe mánde Ráskire-Devléskiro vast. O Raj Devél, Devél vylydžijá man duhósa i čhudiá man maškír félda, saví sys pherdý kokalenca. Oblydžija man pašýl lénde, ake, drieván but sys kokalý pe félda, ake, jone isyn drieván šuké.

Me phendjom angilphenybén, i syr sys mánge priphendlo, i kiéli Me angilphenavas, to ĥazdyjápe šumo, i ake, ĥazdynépe, jačné te poddžan jekh kokalo ke javír, kokalo ke kokalo. I Me dykhcjom! Ake, žyly sys pe lénde, vybarine masá, cýpa učhakirdiá len upralestyr, ne dúho (fáno) na sys dre lénde.