Versets bíblics populars de Danijéljo 9

Comparteix

I mangdjompe me Ráske-Devléske miréske i otkeravas me iló i rakiravas: “Mangáva Tútyr, Rajo Dévla, baró i divno ke dar, Kon rakhéla zavieto i láska kodolenca, savé rikiréna Tut syr Drógima dro iló i rikirenape ke priphenybená Tyré!

Pričhúv, miro Dévla, kan Tyró i šun, otker Tyré jakhá i dykh pe amaré čhučipena i pe fóro, savó khardo pir lav Tyró; pal-dová so ame kedasam amaré mangipena angíl Túte, amaré čačuné réndy, ne pir Tyrí bari lačhé-ilýtkima. Rajo Dévla, šun! Primang (prostin) aménge, Rajo Dévla! Kande i ker sygedýr vaš Túke Kokoreske, Dévla miro, Tyró Lav dynó Tyré foroske i Tyré manušénge.”

I riskirdjom me muj miro Ráske-Devléske patierjasa i mangipnasa dro posto i dro balytko gonó praskasa.

I amaré Raste-Devléste isyn láska, otmekiben grehengiro, pal-dová so ame sámas buntuítka proti Léste.

Tén'ci jov čhuvéla zor pe zavieto vaš butenge pe jekh eftytko, i dre paš eftytko pirijačelape svénto janybén, i marunó svénto dyibén, i pe phak (krylo) sventoné štetoskiro javéla čhučakirdo džungalypén (brytkima) i angíl dová, syr sykadyno xasibén peréla pe čhučibnariste (spustošytieljoste).”