Versets bíblics populars de NSAN MARCO 12

Comparteix

Nuꞌbʉ́ nura Jesu bi da̱tuabi ne bi ꞌñembi: ―Ma ga xiꞌi núꞌa̱ ra hmanda maꞌna ra da̱ngui de gatho ne ena: “Hñuxhʉ ntꞌøde núꞌahʉ me Israelhʉ, Ajua̱ ma Zidadahʉ hønsɛ ꞌnatho. Y núꞌá̱ gueꞌa̱ mahyoni gui ma̱dihʉ con gatho ri mʉihʉ ne con gatho ri mfenihʉ ne con gatho ri tsꞌɛdihʉ.” Nuna guehna ra mʉdi hmanda maꞌna ra da̱ngui de gatho. Ha nuna maꞌna ngúꞌatho ena njaua: “Ma̱di ri miquꞌeiui ne gui su ngu grí nsusɛhɛ.” Otho maꞌra ya hmanda maꞌna ya da̱ngui de núya dí xiꞌaꞌi.

Hangue nura Jesu bi maꞌta yá nxadi ne bi ꞌñembabi: ―Xi majua̱ni dí xiꞌahʉ gue nuna zi hyoya viuda maꞌna xa unga ꞌnara ofrenda xi ra da̱ngui ja rá thandi Ajua̱ que gatho núꞌʉ toꞌo maꞌna xa ꞌyɛntꞌa ndunthi yá ofrenda ja ya ꞌmɛꞌtsboja̱. Ngueꞌa̱ gatho núꞌʉ maꞌra toꞌo xa unga yá ofrenda xa uni de núꞌa̱ ya xa bonguabi, pe nuna zi hyoya viuda thogui ꞌnara da̱nga hñoya pe xa unga gatho núꞌa̱ xqui mɛꞌtsi pa da dai te da zi hma̱ha̱.

Nepʉ ra Jesu bi hñudi habʉ mi ja ya ꞌmɛꞌtsboja̱ ja ra nda̱nija̱ pa mi handa núꞌʉ ya ja̱ꞌi toꞌo mi ɛntꞌini yá ofrenda. Ha mi handa ndunthi ya rico mi unga yá da̱nga ofrenda. Nepʉ bi zøhø ꞌnara viuda xi mrá zi hyoya, ne bi ꞌyɛntꞌni yoho ya zi boja̱ dega cobre núꞌʉ hintsꞌʉ mri muui.

Ha̱ha̱ xá hño to da ma̱di Ajua̱ con gatho rá mʉi, con gatho rá mfeni, con gatho rá tsꞌɛdi, ne da ma̱di rá miquꞌeiui da su ngu ri nsusɛ ꞌna. Gueꞌa̱ maꞌna xá hño que núꞌa̱ da hyo ya mboꞌoni ꞌna ne da tsa̱tꞌi pa da ꞌbahabi Ajua̱.

Nuꞌbʉ́ bi da̱di ra Jesu ne bi ꞌñembabiꞌʉ: ―Nuꞌa̱ rá uɛnda ra nda̱ Cesa gui umbabihʉ ra nda̱ Cesa, ha nuꞌa̱ rá uɛnda Ajua̱ go da umbabihʉ Ajua̱. Y nu mi ꞌyødeꞌʉ gue bi da̱di njabʉ, xi bi ꞌyøꞌʉ.