Versets bíblics populars de Ekesodu 15

Comparteix

A kaa er: Aluer ú waan imo i TER, Aôndo wou, iko a ishima i môm man ú eren kwagh u a lu vough sha ishigh Nagh kpaa, shi ú waan iko sha atindi a Na, man ú ver ishima sha akaawan a Na cii yô, angev mbu M ne Mbaigipiti la, môm tsô kpaa, Me na u ga; gadia ka Mo TER u been we angev.

TER ka agee am man icam yam kpaa, A hingir myom wam kpaa. Ka Aôndo wam, me wuese Un; Aôndo u terem, me kende Un sha.

Ka an nan lu er We nahan ken mbaaôndo? Ka an nan lu er We, a icighanmlu u icivirigh man aeren a a kom iwuese a cieryol kua a kpilighyoloo?

Sha erdoo Wou, U hemen ior mba U paa ve yô, U hemen ve gbenda sha agee Ou, U za a ve hen icighanjiir Wou.

Mba va ar hen Mara yô, ve fatyô u man mngerem ma Mara ga, gadia ma yua; ka nahan man i yilan ijiir la iti er Mara ye. Tsô ior gba zan Mose ivever iyol, ve kaa er: Sé ma nyi? Nahan a vaa a TER; tsô TER tese un kon ugen, a gbihi u shin mnger, mngerem maa hingir dedoo. A wa ve kwagh heregh, shi A na ve tindi kpaa; ka heregh kpaa, A kar ve ye