Versets bíblics populars de Matius 5

Comparteix

Te'da tau mpadukku palita nasamboii busu, apa napajaori ngenan palita, dikua naarrangngi ngasanni to tau lan bola. Iamo joo, pemakassingngimi tuu panggaukanmi nturu' Puang, nakitai tau susi lampu nnarrangngi tau, nawa'ding nnissenni to kameloan-Na Ambe'mi Puang Allataala jao suruga.”

Kamu'mo to dipasusi arrangna tolino. Ia to kampong jao buntu la pajan ia.

Masannang to tomaruruh penawanna, nasaba' la ngkita Puang Allataala.

Masannang to tau mamali' mpugauk pakkaeloran-Na Puang Allataala, nasaba' la naben Puang Allataala to apa nakamali'.

Apa kukuan kamu' kumua, pakamoja'i to ewalimmi, mipassambajanganni to tompakario-rio kamu'

“Masannang to tau nnissenan kalena kumua tangpakulle na lako manda Puang Allataala nanii sande', nasaba' ia to tau susi joo umma'-Na Puang Allataala.

Masannang to tau mpasikalino padanna rupa tau, nasaba' la disanga anakka-Na Puang Allataala.

Masannang to tau masussa penawa, nasaba' la napakatana Puang Allataala.

Masannang to tau dipakario-rio, ke mpugaukki pakkaeloran-Na Puang Allataala, nasaba' ia to tau susi joo umma'-Na Puang Allataala.

Masannang to tau ngkamasei padanna rupa tau, nasaba' la nakamasei too Puang Allataala.

Masannang kamu', ke dicacca kamu', ke dipakario-rio kamu' sola ke napau gaja' kamu' tau, nasaba' mituru'na'. Parannu kamu' mimasannang, nasaba' buda pahalami jao suruga. Ia tee kadipakario-rioanmi tee too, susi bang una to pura digaukanni tuu lako nabi tonna anu'.”

Masannang to tau mpamajiong penawanna, nasaba' la nnampui Lino Baru.

Mangngajahhimi Puang Isa nakua, “Dipasangrapang kamu' ce'la! Ia ke tangmeloi penawammi, susi kamu' ce'la tangbuaci' to te'damo nadikulle mpebuaci'i pole'i, anna te'da bua'na lako padammi tolino. Ia ke te'damo bua'na to ce'la, la dica'beanmira, nasilese-lesei tau.

Ia to Ambe'mi Puang Allataala jao suruga mpakamoja' sininna tolino. Iamo joo la susi toda mipugauk.”

Danggi' mimangkada totosik, apa la mikua ‘io’ ke tonganni, ‘te'da’ ke tangtonganni. Ia ke mangngakuko mpake sapah, pole jio ngasan mai Ballisi'.”

Mangpangngingaranmi Puang Isa nakua, “Miissen too to pangngajah kumua, ‘Ia ke misolanganni mesa' matanna to tau, la disolangan todai mesa' to matammi, ba'tu ia ke misolanganni mesa' isinna to tau, la disolangan todai mesa' to isimmi.’ Apa kukuan kamu' kumua, danggi' mimangpabalahhi lako to tompa'dikki penawammi. Apa sibalikanna, ia ke den tau ssala'pai to popo kananmi, patananan pissenni to popo kairimmi.

Jaji ianna mata kananmi ntumang kamu' mipugauk dosa, cukke'i, ammica'beanni! La'biran, ke tangsukku'i to batang kalemi, na ia ke sukku'i, apa dipatama kamu' naraka. Ia ke lima kananmi ntumang kamu' mipugauk dosa, ta'takkii, ammica'beanni! La'biran, ke tangsukku'i to batang kalemi, na ia ke sukku'i, apa dipatama kamu' naraka.”