Versets bíblics populars de Matius 1

Comparteix

La njajianni mesa' pea muane na la musangai Isa (battuananna ‘Tomangpasalama'’), nasaba' iamo la mpasalama' umma'-Na jio mai pangpatumangna dosana.”

“La den mesa' ana'dara, to te'dapa nalambanni muane, nakeba'tang, na njajian mesa' pea muane. Nadisanga Imanuel”, battuananna “Torroi Puang Allataala ssolanki'.”

Apa ia tonna mangpikkiri' susi joo, mamma'mi namangtindo. Nakitai lan tindona to malaeka'-Na Puang Allataala mpangkadaii nakua, “Ee, Yusuf, bati'na Raja Daud, danggi' mubata sibali to Maryam, nasaba' ia to kakeba'tanganna jajii sanga kuasan-Na Roh Allataala.

Susi tee to kajajian-Na Puang Isa Almaseh. Maryam, to tangka'na Yusuf, iamo la njajian Puang Isa. Ia tonna te'dapa namamma' sola Yusuf, keba'tangmi. Te'da naissenni Yusuf kumua ia to kakeba'tanganna jajii nasaba' kuasan-Na Roh Allataala. Ia tee Yusuf madoangngi kamma'-kamma' bang la mpatorroi to kasitangkasanna sola Maryam, nasaba' mesa'i tomelo penawanna na te'da namadoang mpakasiri'i to Maryam jio olona tobuda.