Versets bíblics populars de ŊWED MBON ROME 3

Comparteix

koro kpukpru owo ema enam idiɔk-ŋkpɔ, enyuŋ etaba ubɔŋ Abasi. Edi etebe mmɔ ikpe ke ikpikpu ke mfɔn Esie, oto ke erifak emi odude ke Christ Jesus

edi edinen ido eke Abasi, emi otode ke mbuɔtidem ke Jesus Christ, osim kpukpru owo emi enimde ke akpanikɔ. Koro ubahare iduhe ke otu owo

emi Abasi okosiode onim ete edi uwa emem ke iyip Esie, oto ke mbuɔtidem; man Abasi ayarare edinen ido Esie, sia Enye ke ime osioŋode idem efep ke mme idiɔk-ŋkpɔ emi owo ekenamde ke ini eke ebede; man onyuŋ ayarare edinen ido Esie ke ini emi, ete Imɔ ke Idem Imɔ idi edinen, inyuŋ inam ikpe etebe owo eke ɔbuɔtde idem ke Jesus.

koro ikpe iditebeke baba owo kiet ke iso Esie kabaŋa erinam utom ibet, koro ifiɔk idiɔk-ŋkpɔ otode ke ibet.

nte emi ewetde ete, Baba owo kiet eke enende iduhe, baba owo kiet; Baba owo kiet eke enyenede eti ibuot iduhe, Baba owo kiet eke oyomde Abasi iduhe; Kpukpru mmɔ emewaha ekpɔŋ usuŋ, mmɔ kpukpru emekabare ediɔk; Baba owo kiet eke anamde eti iduhe, baba mkpasip kiet

Koro nnyin ibat ite eda mbuɔtidem enam ikpe etebe owo, erinam utom ibet inyuŋ isaŋake do.

Yak ewut ete Abasi edi akpanikɔ, kpukpru owo ekpedi mme osu-nsu nte ewetde ete, Man ekpetebe Fi ke ikɔ Fo. Afo onyuŋ akan ke ini ekpede ikpe ye Afo.