Versets bíblics populars de ŊWED MBON ROME 12

Comparteix

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

MMƆDO mmada mbɔm Abasi ŋkpe mbufo ubɔk, nditɔ-ete mi, nte eda ikpɔhidem mbufo enɔ Abasi nte odu-uwem uwa, emi asanade, emi onyuŋ enemde Abasi ndibɔ, koro emi edide uwa eke anade ɔnɔ mbufo ediwa.

Eda esit ke idori-enyin; enyene ime ke ukut; ekɔbɔ ke eribɔŋ akam

Ekuyak idiɔk akan mbufo, edi eda nti erinam ekan idiɔk ubɔk.

Eda ima nditɔ-ete ema kiet eken; esɔp ndikpono kiet eken

Eyak ima okusaŋa ke mbubik. Esua se idiɔkde; eyire se ifɔnde.

Edieke usuŋ odude, eŋwana, nte mbufo ekemeke, ndidu ke emem ye kpukpru owo.

Ekusio usiene enɔ idem mbufo, ndima mme ufan mi, edi ebɔk idem ke usuŋ enɔ iyaresit Abasi: koro ewet ete, Jehovah ete, Usiene enyene Mi, Ami nyesio usiene.

ekutek ke ifik mbufo; enyene ifiopesit ke spirit; enam utom enɔ Ɔbɔŋ.

Nda mfɔn eke ekenɔde mi ndɔhɔ kpukpru owo ke otu mbufo, nte enye okukere ete idi ŋkpo ikan nte ekpekerede: edi yak enye ekere abaŋa idem esie nte enyene-ibuot owo ekpekerede, nte ekemde ye idomo mbuɔtidem eke Abasi ɔkɔnɔde owo kiet kiet.

Ekuda idiɔk esio owo usiene idiɔk. Esin idem ekere ndinam ido eke enyenede ukpono ke enyin kpukpru owo.

Enyene esit kiet ye kiet eken. Ekusin esit ke ikpɔ ŋkpɔ, edi esuhɔre idem eduk nsaŋa ye mbon nsuk-idem. Ekunim idem ke mfiɔk-ŋkaha.

Edi edieke usua fo okopde biɔŋ, nɔ enye udia adia; edieke enye okopde nsatitɔŋ, nɔ enye mmɔŋ ɔŋwɔŋ, koro ke erinam ntem, eyewobi mbubek-ikaŋ obok enye ke ibuot.

Ediɔŋ mmɔ emi enamde mbufo isin-enyin; ediɔŋ, ekusuŋi mmɔ. Edara ye mmɔ emi edarade; etuaŋa ye mmɔ emi etuaŋade.

enɔ ikɔt Abasi se inanade mmɔ; ebine ndikama isen owo.

Koro kpa nte nnyin inyenede ediwak ndido ke ikpɔhidem kiet, kpukpru ndido emi minyuŋ inamke oruk utom kiet; ntre ŋko, nnyin, emi iwakde, idi ikpɔhidem kiet ke Christ, nnyin kpukpru inyuŋ idi ndido inɔ kiet eken.