Versets bíblics populars de VILIVAE 3

Comparteix

Rabela. Kareaki nahe viti tea kwara nu huri savi na bohibohianana ba, diko kwara nu maravuti mana maki hi ba. Aia hi hete radu nga. Vae a kinau katukwale vohoki hi nomo vai. A lologu bongi kina kinau takuni tiau, nu huira vakevake kwara na lavi na kinau hinea tomua tiau. Aia hokinia kwara nu kwalao bakotoki vovohi na maki hi hinea a kaitakweki eia. A kaitakwe aia hi, i God u kwarekita kwara tana hariki lui Jisas Kraes, tana va hugu maia aulu lolo taetae.

Vae kehekeheki nu lengaia karakara kwara na kikilai Kraes, nana kikilai na huirana na nona marakaana tina mateana, vunu vake kwara na bulu maia lo nona rongoana hati. Vunu nu lengaia kwara lo nogu tokaana na huri na bohibohianana lolona hi mo mate, huri nu domidomi tiluna kwara nana maraka taliku tina mateana.

Vae hete a kinau aira vano hi kehekeheki. Hikani na taga kwara savi na kinau hinea nomo toko vai tuai, aira vunu a kinau vuroki hinea rana vaiau nana sala. Vae nu tirakinira savira kwara vae na lavi na kinau karea karakara, aia hi kwara na kikilai Jisas Kraes a nogu Hugwe. Vae huri nu lengai Kraes, nomo taga savi na kinau vano hi kwara aira hoki na hogo vohoki, vae nu tau leletiukinira kwara vae na lavi Kraes

Vae huri nu lengaia kwara na tau i Kraes tomua lo mamaurianagu, a kinau savira hinea tuai na tagaira kwara aira a kinau karekarea hinea na kwiribibira, vae hika nu tagaira hokinia kwara aira a kinau vuroki hinea rana vaiau nana sala.