Versets bíblics populars de VILIVAE 1

Comparteix

Hokinia nu kikilai kareaki kwara i God hinea mo tinakaki na boloki karea hi lumiu tomua halaradu, vae ne vano maia tarisaki a boloki hi ne rovo lo Rani noi Jisas Kraes*.

Nu tiutangaroa kwara a nomiu lagwaana ne mauri vakevake, vae lo hala hi tulu ne lavi na kikikila kareaki mana domidomi sea, vunu tulu ne kwaheki lavi na havakinau hinea rau bakoto. Vae hokinia lo Rani noi Kraes tulu ne bakoto lo nakona, vae a tangaloi ranahe hagwe lavi na hatiki te lumiu.

Lo nogu domidomi diko na ahi, na hariki lui Kraes na toko va tabe hakekinia, vae diko na mate, vae ne karea siletia hi.

Lolona hi nomo domihagwekamu, tigwaravu nu lagwaki na nogu God hurikamu.

Hikani a kinau haburu kwara a doridorimiu ne taritarisa tigwaravu mana Roro Karea noi Kraes*. Vae hokinia lo taroki, diko nomo vai lai nomo venatu nomo tagaikamu, diko na hugu vakahao tikamu, aia kwara nana rongo kwara tulu tu madi lo domi katukwale vohoki, tulu boloki tabulutaki kwara tulu ne vai na tangaloi rana hauhuri lo Roro Karea.

A kinau katukwale vohoki nu lengaia haburu, vae nu tau na nogu domidomi luna kwara na hatu vai na kinau hinea kwara ne vaiau na maemae lo nako i Kraes. Nu lengaia kwara hika a domigu ne huira na hatu mataku, diko nana ahi, diko na mate, vae venaha a mamaurianagu savia ne tabe hakeki na hina i Kraes hokinia nomo toko vai tigwaravu.

I God u matai na hala karea hurikamu u rovo ba, hete kwara tulu ne hauhuri lui Kraes kehekeheki, vae kwara tulu ne rongo hati vake lo tarabehimiu huria.