Versets bíblics populars de GALESIA 4

Comparteix

I God u vosangi kwara i kamu vake i raranatuna, luna hi mo hokaki na Tanungwe Kokona noi Natuna kwara ne toka lolo domida. A Tanungwe aia hi mo toko kware, mo viti “Mama, Tamagu.” Vae huri hi i kamu hete tangaloi* boloki vuroki hokinia tuai, vae hika tulu mulemai ki raranatu i God ba. Tulu mo kwareki raranatu i God, vae huri hi aia neri betekamu kina nona kinau savia hinea mo tuliki terekakinira kwara a noi raranatuna.

Vae a taroki mo taritarisa, i God mo hokaki Natuna vohoki mo hivo, mo vora lo natu vavine, mo toka tavuti na Tangwata* nona gwaloana noi Isrel*. Mo vai hokinia hi kwara ne kasatukuhikami hi keu hugu tavuti na Tangwata kwara kena kwareki i raranatu i God.

Vae hika tulu kikilai i God ba. Vae u karea kwara na viti kwara hikani i God u kikilaikamu ba. ?Vae kworoho hi tulu mo lengaia kwara tulu ne mule taliku vaki mana tanungwe hati maira hinea ramo hugwe korokamu tomua halaradu? A noga huirana tikei, ranahe bete lavi na kinau te vohoki lakwakamu, kwara te katukwale. ?Kworoho tulu mo lengaia kwara tulu ne boloboloki vuroki tavutiga taliku?