Versets bíblics populars de EVESAS 5

Comparteix

I kamu i raranatu i God hinea u lagwa haburu maikamu. Vae huri hi tulu huira vakevake kwara tulu ne bohibohi hokinia. Tulu toka lo lagwaana, tulu lagwa mana tangaloi hokinia i Kraes* mo lagwa maikita mo tiraki na mamaurianana hurikita. A mamaurianana u hile lakwai God hoki na hilehile hinea a bonina u karea haburu, vake hoki na kairoroi* hinea i God u lagwa maia haburu.

Tulu tagahuri ne karea lo nomiu tokaana. Tulu hatu toka hoki na tangaloi hinea rau vonovonoka, vae tulu toka hokinira hi rau kikikila. Tulu boloki ne karea lo taro hi u karea lakwakamu, huri lo taro hika a huirana na hatiki u huira.

Tulu hatu inumi na waen tulu mo reraka kinia, huri ne vai hatihatikikamu. Vae tulu kukwere kina Tanungwe Kokona tigwaravu. Tulu kwahakwaha maikamu lo leo na bolo lo Sam mana bolo na kaluhakiana mana bolo kokona hinea a Tanungwe Kokona u betekamu kinira. Tulu kaho kaluhaki God lolo domimiu kina bolo na kaluhakiana mana bolo na Sam. Tulu lagwaki God a Tamaki tigwaravu huri na kinau savia, lo hina na noda Hugwe i Jisas Kraes.

Tulu hatu reraka, aia tulu ne vai kwara tulu ne kikilai a havakinau hinea a noda Hugwe u lengaia kwara tulu ne vai.

I kamu a ngwera hinea tulu laki ba, tulu lagwa mai ravavinehimiu hokinia i Kraes mo lagwa mana kwarelua, mo tiraki na mamaurianana huria

I kamu, tomua tulu toka lo dodoki, vae hikani tulu kwareki a tangaloi na noda Hugwe*, tulu toka lo leleha. Vae huri hi tulu ne bohi tigwaravu hoki na tangaloi hinea rau toka lo leleha.

Tulu domi mavaki Kraes, vae huri hi tulu ne domidomi mavakikamu.

I kamu a ravavine hinea tulu laki ba, tulu domi mavaki ratuamiu ngwarasea hokinia tulu domi mavaki na noda Hugwe*

Vae vake u viti hurikamu vatavatahakikamu. A ngwera vae ne lagwa mai vavinehina, ne tagahuria hokinia mo tagahuria sibona. Vunu vake a vavine vae ne domi mavaki i tuana ngwarasea.

A Uliuli* Kokona u viti “Huri hini, a ngwera ne tiraki i tamana mai retahina, ne bulu mai vavinehina, raru ne mulemai ki tarabehi katukwale.”

Tulu hatu bulu mana tangaloi lo doridoriga hinea rau hati. A doridori vano hi a doridori na dodoki hinea a kwaiki u karea tikei luga. Vae tulu ne lavi na doridori vano hi vaki lo leleha.