Versets bíblics populars de A Bolokiana 1

Comparteix

Vae lolona a Tanungwe Kokona ne hivo tilumiu, i kamu tulu neri kukwere kina huirana, vunu i kamu tulu neri hago leo huriau lolo gwatuivanua Serusalem, vunu lolo vanua Sutia savia maia Sameria*, vunu vaki lo gweregwere na varamana.”

I Jisas mo daraki lakwara mo viti “I Tamagu kehekeheki u hago huirana lo kinau aira vano hi. Aia u tau na taro mana rani hurira kwara rana mule luna lo taroki bakotoki. Vae i kamu tulu he taritarisa tea kwara tulu ne kikilaira.

Lolona ramo vanamai tabulutaki, mo betera kina leo hika. Mo viti kwara, “Tulu hatu mule tina gwatuivanua lakua Serusalem ba, vae tulu hugu tara na hilehile hinea i Tamagu mo tuliki terekakinia, aia hi nomo viti huria lakwakamu. I Sione u bavtaes na tangaloi kina kwai, vae nehe tuai tea tulu ne lai bavtaes kina Tanungwe Kokona.”

A rani ngavu kaivati takuni tina nona mateana, u vosangi vakarusa lakwara, lo halaki hini kwara vae rana kikilai vohoki kwara aia u ahi taliku. Ramo tagaia vunu mo huhuira kwara rana bohibohi kworohokinia tavuti i God hinea u hugwe korora.

Mo viti hokinia hi mo rovo, vunu lolona ramo toko tagataga huria radu, mo mule hake vaki lolo taetae, vae a taenalangi mo vai koroa, rahe tagaia te taliku.

Lolona mo vano tiura hi, rau tuku tagataga tagaulu vaki lolo taetae radu nga, vae heheriki nga a tangaloi kairua a lugwagaru rau lotu, raru mo tu maira. Raru mo viti kwara, “?Ei, ngwera Galili*, kworoho tulu mo tu takwa-hi tulu mo toko tagataga tagaulu vaki lolo taetae? I Jisas hi i God mo lavia vaki lolo taetae, ne mulemai taliku hokinia hi tulu mo tagaia mo vano vaki lolo taetae.”