Versets bíblics populars de 1 TIMOTI 1

Comparteix

A leo hika u kareaki vae u taritarisa kwara tana hauhuri luna tigwaravu. I Jisas Kraes u vanamai vaki lo varamana kwara ne vakahiki na tangaloi vaivai hati. I nau nu hati siletira aira vunu

vae i God u hakaviau mo vai tabetabekiau kwara i Jisas Kraes ne vosangi kwara a domina u bua vohoki vovohiau mo boloki lugu. Vae huri hi u vosangi na doridorina lakwa na tangaloi savia hinea rana hauhuri luna takuni tiau, rana lavi na ahiana noi God vaki tuai.

Nu kwaha maiko kwehi huri kwara a noga lagwaana huri na tangaloi ne lakua vakevake. A lagwaana hi u vanamai tina domi ngwasara lolona hi a tangaloi mo rongo lo tarabehina kwara u vai u bakoto, vake u hauhuri kareaki.

I God aia a Hugwe Lakua hinea u hugwe koro na tangaloi, vae ne hugwe korora vaki tuai a gwereki tikei. Aia i Tatoka hinea nehe mate lai tea. I kita tahe taga lavia tea vae aia kehekeheki i God, a takaro tikei vake. Tana domi mavakinia, tana tabe hakeki na hinana vaki tuai a gwereki tikei. Amen*.

Vae u taritarisa kwara tana kikilai kwara a tangwata rahe rivuana tea huri na tangaloi hinea rau bakoto, aia rau rivuana huri na tangaloi hinea rau galogalo leo mana tangaloi hinea rau rongo bulabula. Rau rivuana huri na tangaloi hinea rahe hauhuri te lui God, maira hinea rau tuku vai na hatiki, maira hinea rahe toko tiutangaroa tea, maira hinea rau domi bulakiki God. A tangwata rau rivuana huri na tangaloi hinea rau kwohi matei ratamaga diko i raretahiga, maira hinea rau ua mate tangaloi. Rau rivuana huri na ngwera mana vavine hinea raru tiutokakivanua vae raru he laki tea lo halaki, mana ngwera hinea u maturu mana ngwera. Rau rivuana huri na tangaloi hinea rau balu tangaloi kwara rana hokakinira rana lai mane* luga, maira hinea rau kurakura, maira hinea rau kurakuraki leo lo tanotano na arekiana, maira hinea rau vai na kinau te dolua vake, vovohi na huhuiana na vitikareaki.