Versets bíblics populars de 1 KORIN 2

Comparteix

Vae a Uliuli* Kokona u viti “I God u tau rarai na kinau rusa ba hurira hinea rau lagwa maia haburu. A tangaloi rahe tagai na kinau vano hi te kina mataga, rahe rongo na roroga te kina gweroga, vake rahe domidomi te luga lolo domiga.”

A tangaloi hinea a Tanungwe noi God u tikei luna aia nehe lai lavi na hilehile nona Tanungwe tea. Nehe kikilaira te vohoki. Ne rongora hoki na leo reraka, huri a Tanungwe noi God kehekeheki u vai na tangaloi ramo kikilai na nona hilehile hinea mo toko betera.

Vae i God u matangwasarakinira lakwakita kina nona Tanungwe. A Tanungwe hi noi God u taga haro savi na kinau hinea rau eno tavuniki. A domidomi tavuniki noi God hinea a tangaloi rahe kikilaira tea, vae a Tanungwe u matangwasaraki lavira.

A Tanungwe hi, hinea tau lavia ba, hete tanungwe na varamana. Aia a Tanungwe noi God hinea i God u hokakinia vaki maikita kwara tana kikilai savi na hilehile hinea mo bete lakwakita.

A nogu huhuiana mana nogu leo nohe vitira tea kina leo na kikikila nona tangaloi kwara na reveikamu kinira. Vae a leogu u vosangi na huirana na Tanungwe noi God kwara a nomiu hauhuriana nehe tu tea lo leo na kikikila nona tangaloi, vae ne tu lo huirana noi God kehekeheki.