Versets bíblics populars de Jɔɔŋ 6

Comparteix

Ŋɩɩ nɛ Yesu bʋla pɩba, “Mɩ nɛ ŋaa kʋdiile-la sɩɩ pɩ nɩaa mɩɩsɩŋ. Nɩɩ-la kala sɩ kɔ mɩ teeŋ, losuŋ bɩra bɩ jaŋ kɛnʋ. Nɩɩ-la ma sɩ laa mɩ wɩaa dii, lɩɩnyʋasʋŋ bɩra bɩ jaŋ kɛnʋ.

Wɩa Dɩŋ-zɔmʋŋ nɩɩ pɩla mɩɩsɩŋ. Nuhuobiine yaraa doluŋ-na ŋaa pɛɩ nɛ, ʋ bɩ mɩɩsɩ-la sɩ bɩ dɛrɛ wuo pa. Wɩa Dɩŋ-zɔmʋŋ wɩaa nɛ mɩ bʋla pɩma. Ba jaŋ pɩma mɩɩsɩŋ.

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Ʋ bʋl, “Tɩntɩmɩɩ-la Wɩa sɩ cho dɩ maa tɩŋ nɛ ŋ-la: Má laa mɩ-na nɩɩ-la ʋ sɩ tɩma wɩaa dii.”

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta

Saamɔŋ Pɩɩta bʋl, “La Tɩɩna, kʋbɛɛ teeŋ nɛ saa la ma jaŋ mʋ? Wɩalɩŋ ŋ sɩɩ bʋl nɩɩ pɩ nɩaa mɩɩsɩ-la sɩ bɩ dɛrɛ.

Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

Nʋʋkala bɩ jaŋ wuo kɔ mɩ teeŋ, see dɩ mɩ Nyɩmma-la sɩ tɩmmɛ nɛ kɛŋ ʋ tɩɩna kaa kɔ mɩ teeŋ, dɩ mɩ chɩsʋ sʋʋŋ lɛ dʋnɩa dɩdɛrɩŋ.

Boroboro-la Wɩa sɩ ta, ʋ lɩɩ Wɩa-jaŋ nɛ a kʋ tuu. Ʋ nɛ pɩ dʋnɩa nɩaa mɩɩsɩŋ.”

Mɩ nɛ ŋaa kʋdiile-la sɩɩ pɩ nɩaa mɩɩsɩŋ.

Ŋɩɩ nɛ Yesu laa boroboroba-la a lɔllɛ Wɩa, aŋ kaa chɔgɔ kpaa nɩalɩŋ sɩ hɔnɔ. Ŋɩɩ nɛ ʋ kɛŋ chenfile-la ma kpaaba. Ba kʋŋkala dii a vɔgɛ. Ba sɩ dii a vɔgɛ ŋɩɩ, ʋ bʋla pɩ ʋ harɩ-tooroo, “Má mʋ paa boroboroba-la sɩ ka dɩ kʋŋkala sɩ́ pɩna ta.”

Dɩ ʋ harɩ-tooro-la ma duoro a mʋ yi meel-daasɩŋ batori koo banɛsɛ, aŋ na Yesu dɩ ʋ vɛŋ lɩɩŋ nyuŋ a kʋkɔ daboro-la teeŋ. Ba sɩ naʋ ŋɩɩ, fawʋllʋŋ kɛmba. Ŋɩɩ nɛ Yesu bʋla pɩba, “Má sɩ́ leŋe dɩ fawʋllʋŋ kɛmma, mɩ-na nɛ.”