Versets bíblics populars de Jɔɔŋ 17

Comparteix

Ŋ niiŋ wɩaa ŋaa wʋtɩtɩɩba nɛ. Dagɛba, dɩ ba bɩra sɩ́ disiniŋ kɛŋ.

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Mɩ bɩŋ sʋla pɩpɩ ba dʋndʋŋ, mɩ pɛ sʋlaa pɩ nɩalɩŋ ma sɩ jaŋ nɩɩ ba niiŋ wɩaa a laa dii nɛ. Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Mɩ bɩŋ sʋla chɩchɛ dɩ ŋ lɩɩsɛba dʋnɩa lɛ, ama mɩ sɩ dɩ ŋ pɔba nɛ a lɩɩsɛba Sɩtaanɩ nɩsɩŋ lɛ.

Ŋ sɩ leŋe mɩ laa yɩrɩŋ ŋɩɩ, ŋɩɩ nɛ mɩ ma leŋ ba laa yɩrɩŋ. Mɩ ŋaa ŋɩɩ dɩ ba kala wuo ŋaa kʋbala nɛ, arɩ mɩ dɩŋ kala sɩ ŋaa kʋbala ŋɩɩ. Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.