Versets bíblics populars de Romafɔ 10

Comparteix

Nɩ fobwii ɔnɔ blɩ fɛɛ, “Yesu gyi anɩ Wie,” fɔpʋ fʋ klʋn fɛ́ɛ́ hogyiá Bulu lɔkʋsʋa mʋ tsu afulitɔ a, Bulu ɔbɔ́hɔ fʋ nkpa.

Tsufɛ ɩklʋn ɔha tɔpʋhɔ Kristo gyi. Fówun Bulu obótsu mʋ ánɩ́ mʋ asʋn da ɔkpa. Ɔnɔ ɛ ɔha tɔpʋblɩ ɔbɛɛ, Yesu gyi mʋ wie, mɛnɩ Bulu ɔbɔ́hɔ mʋ nkpa.

Tamɛ asʋn wanklaan amʋ tɛha bʋtohogyi. Ɩna Kristo asʋn anfɩ blɩ sʋ aha bʋtonu mʋ asʋn. Mʋ́ nu sʋ aha bʋtɔhɔ mʋ gyi.

Alɩ kɛn Bulu asʋn wanlɩnhɛ amʋ lɛblɩ ɔbɛɛ, “Pɛlɩ mɛ́ɛkɩta ɔhagyiɔha ánɩ́ ɔlɔhɔ mʋ gyi ɛkɛkɛɛkɛ” nɩ. Ɩnɩ sʋ ɩmɛfahʋn ánɩ́ Yudayin fʋgyi, ntɛ fʋmegyi Yudayin. Tsufɛ owie ɔkʋlɛ pɛ asɩ amʋ́ fɛ́ɛ́ bʋbʋ. Ɔbɔ́pʋ mʋ yilebwɛ gyi aha ánɩ́ bosu kpoli mʋ fɛ́ɛ́ bʋalɛ. Alɩ kɛn Bulu asʋn wanlɩnhɛ amʋ lɛblɩ ɔbɛɛ, “Ɔhagyiɔha ánɩ́ otosu kpoli anɩ Wie obénya nkpa” nɩ.

Nkalɩ bɛ́talɩ da mʋ́ ɔkan suna amʋ́, nɩ bʋmɔkʋwa amʋ́? Bulu asʋn wanlɩnhɛ amʋ lɛblɩ ɔbɛɛ, “Ɩhɩɛ bʋ akɩlɛá fówun ánɩ́ ɔha ɔba bɛda Bulu asʋn wanklaan ɔkan!”

Tamɛ nkalɩ bɛ́talɩ su kpoli ɔha ánɩ́ bʋmɔhɔ mʋ gyi? Nkalɩ bɛ́talɩ hɔ ɔha ánɩ́ bʋmɔkʋnu mʋ ɩwɩ asʋn gyi? Nkalɩ bónu mʋ ɩwɩ asʋn nɩ ɔhaa mɛda mʋ́ ɔkan suna amʋ́?

Ɔnɔkwalɩ amʋ gyi, Kristo lɔmɔ Mose Mbla amʋ fɛ́ɛ́ ɔnɔ. Mʋ́ sʋ ɔhagyiɔha ánɩ́ ɔlɔhɔ mʋ gyi obégyi asʋ Bulu ansɩtɔ.