Versets bíblics populars de Romapụ 4

Comparteix

Oria ḅereni ọ̀ ḅụ sokẹ, ọ̀ pịkị Tamụnọ Ḅe ḅereni ọ̀ pịrịye mị nwọ pikikẹ; oria ḅereni mị anị kụrọ se ò ḅie chu ḅeinmamẹ, se ò tokoni se Tamụnọ Ḅe pịrịmẹ. Ò nemi kpaịnmamẹ na Tamụnọ Ḅe ineda ò ḅerenisaye mị nwọ mịẹḅịa.

fịafịa ḍiri mị ḍuko ḅara ḅụ. “Àrị ị́ se tọn-a sẹ ḍaḅọ nwọ mịẹsam.” Anịọkụma ḅereni mị anị iḅimẹ Tamụnọ Ḅe tọrụkuḅu ḅụ, anị Ebraham ḅe ḅereni Tamụnọ Ḅe, fịapụma sịsẹma sịsẹma Tamụnọ Ḅe, ḅẹrẹtọn oforikaye pịrị se anị pakaḅo simeye nwọ sọ sọ ḅọ ḅe.

Mịnea sima gose ọ̀ fịmẹ, ini pịkị ọ̀ sịsẹma se ò ḍumomẹ, mịẹso sịkị wa ḅo Tamụnọ Ḅe ḅụ karakarapụ sọḅịa ọkụ.

Ebraham ḅe ḅereni pịkị tọrụse ye ḍikimẹ tọrụse ḍikiḅịaye oforika sịkị ḅụ, “anị ḅara mị ḅụ ḅọrọḅo tọn-a sẹ ḍaḅọ nwọ sọmẹ.” Fịafịa ḍiri mị ḍuko ḅara ḅụ, “Ị́ furoḅie pakaḅoḅịa apụma lolia ma ḅaka ọkụ anị ini ḅakaḅịa ọkụ-ẹ.”

Ḅereni mị ḅereni ḅụ mị anị gbanaye-ẹ mịẹse, Tamụnọ Ḅe papa ḅerenipịrịye mị ḅereni Ebraham ḅe furoḅie pakaḅo apụma nwọ pịrịḅịaye gose—Oloko mị ḍukoye mịẹapụ ma kẹngẹkẹ, ọkụma pịkị Ebraham ḅe ḅereni ọkụ mị nwọ ḅereni apụma sọnị-ẹ. Anịatịḅị Ebraham ḅe mine mgba tẹmẹ anga ḅe ḍaḅọ-ẹ

“Ḅieḅẹlẹ sime ini pịrịmẹ, Tamụnọ Ḅe inia siḅụ-ḅarasin pịrịsa apụma, anị inia sima ọ̀ nwọ dekisinsa apụma! Ḅieḅẹlẹ sime oriḅọ ḅe pịrị, Tamụnọ Ḅe iniḅọ sima nwọ kịẹn pịrị ẹka ḅọ ḅe!”

Fịafịa ḍiri mị nwọ ḅẹmẹ, “Ebraham ḅe Tamụnọ Ḅe ḅerenimẹ, se oria ḅereni mị gose Tamụnọ Ḅe ori ọkịmẹ na ọ̀ karakaramẹ.”