Versets bíblics populars de Romapụ 12

Comparteix

Ó ḍikitọrụ ḅụ mị tomonikiri mị ḅe ye mịẹ ọkụ nwọ ḍikima ye mịẹ ma, ọkụma Tamụnọ Ḅe ḅieju ḅụ ọ́mịna kuḅie ma nwọ ḍinma karama. Anịsịkị ómine ineda Tamụnọ Ḅe ḅiarịye nwọ nemiḅịa iḅiye na ò ḅieḅẹlẹmaḅịaye na, pịkị karagbasịsaye na.

Anịẹrẹchị, ị̀ya mịnapụ, Tamụnọ Ḅe nyana wa pịrị opu ḍikiḅụgerere mị gose, àrị ọ́ ḅara mịn mị nwọ ḅiaḅẹ: Ómine ọ́mịna ḅụ ma se ḍumo agba ḅara nwọ mịẹ Tamụnọ Ḅe pịrị, se ọ́ ḅụ mịẹfịafịama oria fịrị mị pịrị, ọ̀ ḅụḅẹlẹḅịa ḅara ḅụ. Mịn anị kọkọma ḅara nwọse ọ̀ tẹkẹ mị-ẹ.

Ye ọ́ tọrụseḍikiarịye ḅieḅẹlẹ se ọ́ pịrị, ómine ọ́mịna ḅụfụka ḅie inema nyana, se sịkịmamgba tẹkẹ.

Ó ḅereni se siye ómine inuma ma anịnakaraka ómine iḅiye se siye mị inuma.

Ómine ọfịrị ḅẹlẹma nyana jịnḅọ jịnḅọ pịrị Kraịst Ḅe ḅie sime mịnapụ ḅara ḅụ se pịkị osi ḅara se mangịma nyana jịnḅọ jịnḅọ pịrị.

Ye ḅẹlẹma mị kọkọma kuḅie ḅụ pakaḅoye nwọ sọ. Taraka se siye wẹrịma, kapụma iḅiye mị ọlọ.

Ị́ya ịnyọ laḅara, nwọse ị́ya pẹkẹrẹ ḅụ nweni mgba na deinma ḅụ sime.

Ó sowu ḅi ma, ị̀ya ikiapụ, anịnakaraka ye Tamụnọ ịganị mị anị mị nwọ mịẹ. Anịatịḅị fịafịa ḍiri mị nwọ ḅẹmẹ, “Sowu ḅi mị ị̀yaye-ẹ, à pịkịna ini se jịn apụ mịẹ sima se ini gbẹịnḅịa,” Nyanaḅọ Ḅe nwọ ḅẹmẹ.

Kụrọma fịrịnwẹngị pịkị ikulama. Ḅeinsa kuḅiemgbọlụ se fịrịnwẹngị Nyanaḅọ Ḅe pịrị.

Se Tamụnọ ḍikiḅụgerere ḅụ à nyana ḍiepịrịye mị gose à nwọse ómine mgba ḅẹaḅẹ, na ómine ọ́mịna ḅụ ma dekichịẹma ọ́ la-ọkụ nẹngị koroma kọnma. Anịnakaraka, ọ́ ḅụ se kiri pịrị koroma nwọ kọn, se ọ́mịna ḅie ḅọḅọ Tamụnọ Ḅe seni iniḅọ pịrị ḅereni la-ọkụ ḍiki ḅẹrẹkọn iniḅọ ḅụ pịrị.

Tomoniḅọ siye se ọ́ mịẹmẹ ḅẹḅẹ, ó siye seni iniḅọ gbẹịn ma. Ọ́ ḅụkụrọma tomoni mamgba se iḅiye chịn ye mị nwọ mịẹ.

Mịnapụ ḅẹlẹma ọ́ nwọse jịnḅọ jịnḅọ na anga, ómine opuaye mịẹma, ómine iderima kiri ḅụ sime apụma na ikiasọ, ó yenemimẹ nwọ ḅẹ koroma ọ́ nwọ kọn ọ́ ḅụ pịrị ma.

Anịnakaraka, fịafịa ḍiri mị ḍuko ḅara ḅụ, “Ḅuru ị́rị́ na tarakaḅọ tarị tarị, fịye se ọ̀ pịrị, mengi ọ̀ tarị tarị, se ọ̀ pịrị ò ḅu, anịatịḅị mịn mị nwọ mịẹ ḅụ ị́ kọrịarị anyị nwọ kpokponima ọ̀ tịḅị ọgọnọ saraḅẹ.”

Ọ́ Tamụnọ Ḅe ḅẹ ọ̀ ḅụọ se ọ́ chụarịapụ ma nwọ ḅẹlẹma—iin, ọ̀ ḅẹ ori ini ḅẹlẹma, ori ini wori ma. Ó ḅieḅẹlẹarịapụ ma ḅụ sọ se ḅieḅẹlẹ, owuarịapụ ma ḅụ sọ se owu.

Ọ́ nyanaye ọ́ nwọse yeḅụpalịma Kraịst Ḅe ḅie mịnapụma na ḍia, pịkị ọ́mịna warịma finji igoniapụ pịrị.

Gbọrị oju mị ḅụ wa tọn-aye nwọ nyanamẹ, se maye mamgba kịrịkịrị fịrị nwọ nyanamẹ. Anị gbọrị ḅara ḅụ, wa ḅakamẹ nwọ ḅẹ sọnị, wa Kraịst Ḅe na gboloma gbọrị oju nyana se gbọrịye ḅụ jịnḅọ jịnḅọ na gbolomamẹ, gbọrị oju ḅụ sime kịrịkịrị ḍiepịrịayema sime ḅara ḅụ.