Versets bíblics populars de Romapụ 1

Comparteix

Ị̀ kuḅie mgba à nwọse Iḅiọkwẹịn mị ḅụ gbanamẹ, anịatịḅị anị mị Tamụnọ Ḅe se ḅereniapụ goyegoye ḍụaḅọrọmaḅịa kụrọ mị-ẹ, Juapụma tatarị-ẹ, ọḅụkọ Jịnsẹapụma na.

Mịn iḅiọkwẹịn mị ḅụ Tamụnọ Ḅe pịkị tomoni mịẹ karakarama ọ̀ ḅụ pịrị ọkụ mị nwọ ḍieḅelemamẹ; ḅereni ḅụ anị sakị mun kuluma lamẹ. Fịafịaḍiri mị ḍuko ḅara ḅụ, “Ḅereni ḅụ ini ḅọrọ se Tamụnọ Ḅe na mịẹ karakaramaḅọ ḅe ò ḍumoḅịa.”

Tamụnọ Ḅe tomonikiri mị tẹmẹ sịkị ngịsị, ori ḅe ineda tọrụ se ọrịka simeḅara mị, na oria simegbaso kụrọ mị na, pịkị ori Tamụnọ-ẹ nwọ ḅẹ simeḅara mị, ini ḅelema nwọ ọrịmẹ. Tamụnọ Ḅe mịẹsaye ma ḅụ tomoni ineda ḅọrọ àrị ọrịḅịa. Anịẹrẹchị ini nyana se inia ḅụ ḍụaḅịaye ngịsị ofori-ẹ!

Tamụnọ Ḅe ini ó nemimẹ, ọkụma ini sime ọ̀ pịrị osi mị nwọse ọ̀ pịrịkẹ, ini pịkị mịẹḅaka se ọ̀ ḅẹkẹ. Anịnakaraka, inia koromama ḅie iniḅo nemi ngịsị ofori apụ sọmẹ.

Ini Tamụnọ ḅụ kọkọmaye mị nwọse iruoaye na ḍinmamẹ, ini Tamụnọ Ḅe tẹmẹayema nwọ tẹkẹ pịkị fịrịnwẹngịarị pịrịmẹ, ini Tẹmẹḅọ Ḅe ḅoju nwọ tẹkẹ nakaraka, anị ini tokoni ḅẹsịkị ḅẹsịkị laḅịa ḅọ ḅe! Amẹn.

Anịatịḅị, Tamụnọ ịganị mị soḅie ḅo Tamụnọ nemika apụma na sitịḅịnyana apụma na ọgọnọ gbanasam, anị inia sitịḅị ma se karakaraye mị pụnụma apụma.

Tomonima mịn mị nwọ mịẹye gose, Tamụnọ Ḅe ini ḅọrọma ḅụgererema pụkọtarịaye nwọ pịrịmẹ. Eremeni ma sọnị inia ḅụ ma seni mịẹmịẹka mịẹaye ḅie chusam. Anị gbọrị ḅara ḅụ owuapụma ama na ere na mịẹmịẹye ḅụ ḅarasin se tọrụ pịkị inia juo owuapụ ḍa se inia pụkọtarịye na kọrị paka se jịnḅọ jịnḅọ ḅụgererema ama na ere na nwẹngị kọn aḅẹ. Anị ḅara mị nwọ mịẹ gose ini na inia ḅụ na anịḅe fomuḅara nwọ da aḅẹ, anị ini gbẹịn ḅara ḅụ inia mịẹirima ma gose. Anịatịḅị tomonima kọkọma Tamụnọ nemi mị nwọse inia kuḅie wẹrị ḍụkụka ẹrẹchị, ori ini saḅama ḅụrụsa kuḅie pịrịmẹ, anịgose ini mịẹgbẹịnkaye ma ini nwọ mịẹma ḅọrọaḅẹ.

Ini nwọ ḅẹmẹ na ini yenemimẹ, ọkụma ini oḅori apụ-ẹ; ini fịfịka Tamụnọ Ḅe nwọ tẹkẹ nakaraka, ini ini karaye ma anị fịḅịa tomoniḅọ anịkanịka feni, anịkanịka nama, anịkanịka ikiriarịye kịkẹye ma re tẹkẹaḅẹ.